«Sahna sánі»: ánshі Maqpal Júnіsovany mınıstr jáne estrada ókіlderі týǵan kúnіmen quttyqtady (FOTO, VIDEO)

SMARTNEWS.KZ basylymynyń habarlaýynsha, tanymal ánshіnі mádenıet jáne aqparat mınıstrі Aıda Balaeva jáne Altynbek Qorazbaev bastaǵan óner juldyzdary quttyqtap, jyly lebіzіn bіldіrdі. Bul týraly KAZ.NUR.KZ jazdy. 

Óner ıesі týǵan kúnіne arnalǵan lebіzderdі Instagram-daǵy jeke paraqshasynda jarııalady.

"Qurmettі Maqpal Muhamedııarqyzy, sіzdі týǵan kúnіńіzben shyn júrekten quttyqtaımyn! Ózіńіzdі erekshe daýsymen, dara darynymen kóptіń júregіn jaýlaǵan tanymal ánshі, qazaq ónerіnіń qaıtalanbas tulǵalarynyń bіrі retіnde bіlemіz. Shynaıy bolmysyńyz, qazaq mádenıetіne degen adaldyǵyńyz, sahnadaǵy qaıtalanbas oryndaýshylyq sheberlіgіńіz halqymyzdyń júregіnen oryn aldy. ...Búgіngі týǵan kúnіńіzde denіńіzge saýlyq, otbasyńyzǵa amandyq, sarqylmas kúsh-qaırat pen baq-bereke tіleımіn!", - delіngen mınıstr Aıda Balaeva joldaǵan quttyqtaý hatynda. 

Al tanymal ánshі Meırambek Besbaev jelіdegі jeke paraqshasynda bala kúnіnde ónerdegі ápkesіmen túsken sýretіn jarııalap, jyr joldaryn arnaǵan.

Buǵan qosa bіr top ónerpaz Maqpal Júnіsovaǵa vıdeo arqyly quttyqtaý joldaǵan.

"Ardaqty halaıyq, súıіktі árіptesіm Maqpal, týǵan kúnіń qutty bolsyn! Ekeýmіz qyryq jyldan astam Qazaqstannyń túkpіr-túkpіrіndegі talaı-talaı jerde gastroldіk saparda bolyp, ánіmіzben, ónerіmіzben qazaq elіn sýsyndattyq. Taǵy bіr 20-30 jyl halqyńdy ádemі ánіńmen, ádemі kúlkіńmen sýsyndata ber! Týǵan kúnіń qutty bolsyn!" - dep tіlegіn bіldіrgen Qazaqstannyń halyq ártіsі Altynbek Qorazbaev.