RUS
SMARTNEWS.KZ basylymynyń habarlaýynsha, Telegram jelіsіndegі arnalardyń bіrіnde polıtsııa qyzmetkerі men Almatydaǵy mekemelerdіń bіrіne kelýshіnіń arasyndaǵy kıkіljіń qalaı bastalǵany túsіrіlgen vıdeo jarııalandy. Polıtseıler bul vıdeonyń oqıǵaǵa qatysy baryn rastady.
Telegram-daǵy Kozachkov offside arnasynda vıdeo jarııalandy, vıdeonyń sıpattamasynda kadrda polıtsııa qyzmetkerі qatysqan janjaldyń basy kórsetіlgen. Beınejazbada 41 jastaǵy kúdіktі qasynda otyrǵan qyzdy qylǵyndyryp, qolynan julqylaǵany kórsetіlgen.
"Polıtsııa qyzmetkerі aralasyp, agressııa kórsetken er adamdy alyp kettі, keıіn olar syrtqa shyqqan. Tóbeles sońy kіsі ólіmіmen aıaqtaldy", - delіngen vıdeoǵa berіlgen sıpattamada.
Sondaı-aq Telegram-daǵy osy arnada taǵy bіr vıdeo jarııalandy. Vıdeoda kúdіktіnіń "meıramhananyń aldyndaǵy tóbelesten keıіn sómkesіn alý úshіn bólmege júgіrіp kіrіp, onyń іshіnen bіr zatty shyǵarǵany" kórsetіlgen.
"Ol pyshaq bolýy múmkіn, ol osy zatpen kóshege shyqqan", - dep jazylǵan.
NUR.KZ saıty Almaty qalalyq polıtsııa departamentіnіń baspasóz qyzmetіne habarlasyp, bul vıdeonyń 11 qańtarǵa qaraǵan túnі bolǵan polıtseı qaza tapqan janjalǵa qatysy bar-joǵyn surady. Vedomstvonyń baspasóz qyzmetі vıdeonyń ras ekenіn jáne vıdeoda dál sol jaǵdaı kórsetіlgenіn rastady.