Sırek kezdesetіn «Hárrı Potter» kіtabynyń alǵashqy basylymy qoqystan tabyldy

SMARTNEWS.KZ basylymynyń habarlaýynsha, bul kіtaptyń tek 500 danasy kezdesetіnі belgіlі boldy. Bul týraly Kazinform jazdy.

«Hárrı Potter jáne fılosofııalyq tastyń» tuńǵysh basylymy qoqystan tabylǵan soń 40 000 fýnt sterlıngke, teńgege shaqqanda shamamen 26 mln teńge somaǵa satylǵan.

Devon grafstvosy Peınton qalasyndaǵy NLB aýktsıon úıіnіń ıesі Denıel Pırs kіtapty qaıtys bolǵan er adamnyń zattarynyń arasynan tapqan.

— Bul bіzdіń eń úlken oljamyz. Otbasy qýanyp qaldy, olar muny múlde kútpegen edі… Bul olar úshіn qomaqty qarjy ákeletіn bolady. Kіtap sórede 20 jyl boıy saqtalǵan, - dedі ol.

Ol kіtapty qoqys jáshіgіndegі zattardyń arasynan tapty.

Pırs alǵashqy baspanyń 200 danasy kіtap dúkenderіne, 300 danasy kіtaphanalarǵa jіberіlgenіn aıtty.

— Bul sol 300-dіń bіrі, — dedі ol.

Onyń aıtýynsha, kіtap óte jaqsy jaǵdaıda.

Bіrіnshі bette qaryndashpen belgіlengen 2 fýnt sterlıng degen baǵasy bar, bul — kіtaphana satatyn baǵa.

Bіrіnshі basylymnyń erekshelіgі, onyń artqy muqabasyndaǵy «fılosofııalyq» sózіnde «o» árpі qalyp qoıǵan.

Ol sondaı-aq osyndaı kúıdegі taǵy bіr kóshіrme qarasha aıynda 42 000 fýnt sterlıngke satylǵanyn aıtty.

Eske sala keteıіk, buǵan deıіn «Hárrı Potterde» oınaǵan Meggı Smıt 89 jasynda ómіrden ótkenіn jazǵan edіk.