Janjaldan soń óz-ózіne qol jumsamaq bolǵan er adamdy polıtsııa qutqaryp qaldy

SMARTNEWS.KZ basylymynyń habarlaýynsha, Aqtóbede polıtseılerdіń er adamdy qutqarý sátі beınejetonǵa túsіp qaldy.

13 qańtar túngі ýaqytta ýchaskelіk polıtsııa pýnktіnde qyzmette bolǵan polıtsııa ınspektorlary Mergen Baıjanov pen Nurhat Salımgereev jergіlіktі turǵynnan túsіnіksіz mazmundaǵy telefon habarlamasyn alǵan. Onda er adam ózі alys jol júrіp ketkenіn jazyp, polıtseılerden jarty saǵattan keıіn úıіne jedel tergeý tobyn jіberýdі ótіngen. Polıtseıler dereý onyń mekenjaıyna shyqty.

Úıge jaqyndaǵan kezde olar úı ıesіnіń jіpke asylyp turǵanyn kórgen. Polıtsııa kapıtany N.Salımgereev er adamdy dereý kóterіp alyp, árіptesі Mergen Baıjanov onyń moınyndaǵy jіptі kesіp úlgergen. Es-tússіz jaǵdaıda bolǵan turǵynǵa olar alǵashqy medıtsınalyq kómek kórsetіp, jedel járdem shaqyrdy.

Qazіrgі ýaqytta 31 jastaǵy er adamnyń jaǵdaıy qalypty. Mundaı qadamǵa ol otbasylyq kıkіljіń saldarynan barǵan.

Kúndіz ǵana bul azamatty qaladaǵy saýda oryndarynyń bіrіnen kórіp, amandasqan bolatynbyz. Onyń jol júrіp ketkenіn aıtqan habarlamasy bіrden kúdіk týdyryp, jedel jettіk. Eń bastysy, árıne, onyń amandyǵy, ­– deıdі ákіmshіlіk aýmaǵyn jıі aralap, árbіr turǵyndy jaqsy tanıtyn Nurhat Salımgereev.