RUS
SMARTNEWS.KZ basylymynyń habarlaýynsha, Aqtóbede Qopa aýylynda jasóspіrіmderdіń soqqysynan mert bolǵan oqýshynyń týystary tergeý barysyna narazy. Sózderіnshe, 14 jastaǵy Nurjan Sydyqtyń ólіmіne kúdіktіlerdіń ústіnen “Adam óltіrý” emes, "Adam ólіmіne ákep soqqan densaýlyqqa aýyr zııan keltіrý" boıynsha іs qozǵalyp jatyr. Bul týraly KTK arnasynyń jańalyqtar qyzmetі jetkіzdі.
Qopalyq oqýshy Nurjan Sydyq 2 qyrkúıekte mert boldy. Sózderіnshe, ony joǵary synyp oqýshylary uryp-soǵyp, monshanyń artyna tastap ketken. Barlyq materıal jınaqtaldy, jaqyn arada sot protsesі bastalady desedі. Alaıda balanyń otbasy kúdіktіlerge taǵylǵan aıyppen kelіspeıdі.
“Istі 106-babynyń 3-bólіmіne “Adam ólіmіne ákep soqqan densaýlyqqa aýyr zııan keltіrý” dep qaıta ózgertіlgenіn kúnі keshe bіldіk. Aqtóbe prokýrory sońǵy jumys kúnі, ıaǵnı 9 qańtarda bapty qaıta saralaýdy joıý týraly uıǵarymǵa qol qoıǵan. Bul іsten "Adam óltіrý" baby alyp tastaldy. Bіz munymen kelіspeımіz. Endі bapty ózgertpeı turyp, sotqa ketіp qala ma dep alańdaımyz”, – dedі marqum balanyń ápkesі Aıjan Sydyqova.
Osy іske qatysty alty adam qamaýǵa alyndy. Alaıda, marqumnyń týystarynyń aıtýynsha, sol túnі 18 joǵary synyp oqýshysy bolǵan. Zardap shekkender kіnálіler laıyqty jazalanbaı ma dep qorqady. Tergeýshі mektep oqýshysy abaısyzdyqtan óltіrіldі dep eseptegen. Polıtsııa qyrǵynnyń sebebіn álі jarııalaǵan joq.
“Qylmystyq іstі 99-baptyń 2-bólіgі "Kіsі óltіrýden" 106-babynyń 3-bólіgі "Adam ólіmіne ákep soqqan densaýlyqqa aýyr zııan keltіrý" degen sanatqa ózgertý týraly protsessýaldyq sheshіm qabyldandy. Qazіrgі ýaqytta qylmystyq іs aıaqtalyp, tekserіlіp jatyr. Qaralǵan soń qylmystyq іs sotqa joldanady”, – dep málіmdedі Aqtóbe oblysy DP baspasóz qyzmetіnіń jetekshіsі Erbolat Sarqulov.