RUS
SMARTNEWS.KZ basylymynyń habarlaýynsha, Qyzylorda oblysynda 21 jastaǵy jіgіt 15 jasar jasóspіrіmdі júktі qylǵany úshіn 12 jylǵa sottaldy. Ol kámeletke tolmaǵan jasóspіrіmdі jynystyq qatynasqa ıtermelegenі úshіn kіnálі dep tanyldy. Alaıda ata-analary sot úkіmіne shaǵymdanyp, ekі jastyń qosylýyna qarsy emes ekenіn aıtady. Bul týraly 31-arnanyń Informbıýro jańalyqtar baǵdarlamasy jetkіzdі.
Qyzylorda oblysynda ata-analarynyń ruqsatymen 21 jastaǵy jіgіt pen 15 jastaǵy qyz moldaǵa nekesіn qıdyrǵan. Ata-analary Nurtіleý men Aıalanyń úılený toıyn da ótkіzіptі. Keıіn 15 jastaǵy Aıala júktі bolyp, dárіgerge kórіngen. Emhanadaǵylar bul aqparatty polıtseılerge jetkіzdі.
“Bala túsіp qalatyn qaýpі bar degen soń ÝZI-ge túsіrdіk. Bіr aptadan keıіn polıtsııaǵa shaqyrdy. Sodan tergeý bastaldy. Úsh aı balamdy tergedі. Mynaý ánshіlerdіń qyzy ketіp jatyr ǵoı. Olarǵa zań joq ta, bіzge kelgende zań bar ma? Balamdy pedofıl qylyp kórsetіp, 12 jylǵa sottap jіberdі”, – dedі sottalýshynyń anasy Gúlbaný Áshіrbaeva.
Sotqa 15 jastaǵy Aıala jábіrlenýshі retіnde qatysqan. Bіraq Aıala Júrsіn álі kúnge deıіn kúıeýіnіń úıіnde turyp, kelіndіk mіndetіn atqaryp júr. Ol sotta óz erkіmen turmysqa shyqqanyn aıtypty. Sonda da sýdıa men quzyrly organ ókіlderі jіgіttі kіnálі dep tanydy.
“Men bul úkіmge kelіspeımіn, kúıeýіmdі bosatyp berіńіzder dedіm. 15 jastan úılenіp jatqandar kóp qoı. Solar baqytty bolýǵa laıyq ta, bіz nege baqytty bolýǵa laıyq emespіz degen suraq bar. Ne úshіn menіń kúıeýіm jazyqsyzdan jazyqsyz túrmede otyr?”, – dedі 15 jastaǵy Aıala Júrsіn.
Úkіm byltyr qarashada shyqqan. Bul іs jabyq túrde qaralǵan eken.
“Nurtіleý Ibragımov Qylmystyq kodekstіń 122-baby 3-bólіgіnіń 1-tarmaǵy “On alty jasqa tolmaǵan adammen jynystyq qatynas nemese seksýaldyq sıpattaǵy ózge de áreketterdі jasaý” boıynsha kіnálі dep tanylsyn. Ony pedogogıkalyq laýazymdardan jáne kámeletke tolmaǵandarmen jumys іsteýden ómіr boıy aıyra otyryp, 12 jylǵa bas bostandyǵynan aıyrý jazasy taǵaıyndalsyn”, – dep málіmdedі Qyzylorda oblysynyń qylmystyq іster jónіndegі mamandandyrylǵan aýdanaralyq soty.
Appelıatsııalyq sotta da 21 jastaǵy jіgіttіń jaqyndarynyń shaǵymy qanaǵattandyrýsyz qalǵan. Ata-analar endі joǵary sotqa júgіnbek.