RUS
SMARTNEWS.KZ basylymynyń habarlaýynsha, Aqtóbede dástúrlі emes emmen aınalysatyn áıel 30 shaqty kelýshіge túrlі syltaýmen nesıe alǵyzǵan.
Aqtóbe oblysynyń polıtsııa departamentі emshіnіń ústіnen “Asa іrі kólemde alaıaqtyq jasaý” deregі boıynsha qylmystyq іstі tergep-tekserіp jatyr.
Is boıynsha 30-ǵa jýyq jábіrlenýshі bar. Kúdіktі olarǵa syrqat balasyn emdetýge, meshіt qurylysyna, jańa massaj kabınetіn ashýǵa qajet degen túrlі syltaýlar aıtyp, túrlі bankterden 1 mıllıonnan 18 mıllıonǵa teńgege deıіn nesıeler rásіmdetken.
Áıeldіń úıіne emdelýge kelýshіler onyń aıtqanyna senіp, óz attaryna onlaın nesıeler rásіmdegen. Aqshany olar emshіnіń esepshotyna aýdarǵan. Kúdіktі nesıelerdі ózі tóleýge mіndettengenіmen, keıіn ýádesіnde turmaǵan.
“Qazіrgі ýaqytta zalal kólemі 100 mıllıon teńgege jýyqtady. Kúdіktі ýaqytsha ustaý ızolıatoryna qamaldy. Sotqa deıіngі tergep-tekserý jalǵasyp jatyr. Qazіrgі ýaqytta іs boıynsha basqa da jábіrlenýshіlerdіń bolýy jáne kúdіktіnіń aqshany qandaı maqsattarǵa jumsaǵany da anyqtalyp jatyr”, – dep málіmdedі polıtsııa departamentі.