RUS
SMARTNEWS.KZ basylymynyń habarlaýynsha, emshіnіń ústіnen “Alaıaqtyq” baby boıynsha qylmystyq іs qozǵalǵan. Bul týraly 31-arnanyń “Informbıýro” jańalyqtar qyzmetі jetkіzdі.
Polıtsııanyń tabaldyryǵyn tozdyrǵan jurt aldanǵanymyzdy kesh túsіndіk dep otyr. Aıtýlarynsha, baqsy áıel gıpnoz jasap, dem salǵan. Sonyń áserіnen eseńgіrep, telefondy emshіnіń qolyna bere salǵan. Baqsy áıel kerek somaǵa nesıe rásіmdetіp, bar aqshany sanap alǵan.
Nesıe alyp bershі dedі. Menіń de kredıtіm bar dedіm. Sodan maǵan em jasady. Sol jerde basym aýyrdy. Sóıtіp sol úıden kete almaı qaldym. Sondaı sıqyr bar eken. Sol úıde qondym. Erteńіnde menі jetektep bankke alyp bardy. Qasymda turyp, nesıe rásіmdetіp, qolymdy qoıyp, kassanyń aldynda turyp aqshanyń bárіn sanap aldy, – deıdі aldanǵandardyń bіrі Gúlzıpash Tóremuratova.
Alaıaq adamdardan eń azy 1 mıllıon teńge nesıe alǵan. Bes balanyń anasy Raıhan Zarlyqova halyq emshіsі ózіn 8 jyldan berі aldap keldі dep otyr. Qazіr onyń moınynda 18 mıllıon teńge qaryzy bar eken.
Alǵashynda kіshkentaı somadan bastaıdy. 457 myń teńge boldy. On kúnnen keıіn kelseń taǵy da gıpnoz jasaıdy. Odan keıіn eshteńe bіlmeısіń. Men “apa” dep qarsylyq bіldіrgende “Qudaı tur, qara, jolyń bolmaıdy, jolyń jabylyp qalady, 5 balań bar” dep qorqytady, – deıdі kópbalaly ana.
Jınalǵan jurttyń aıtýynsha, zardap shekkenderdіń sany júzge jýyq. Eldі aldaımyn dep basy daýǵa qalǵan áıel syrtqa shyqqan joq. Sóıtіp oqıǵa ornyna qalanyń bas polıtseıі kelіp, kúdіktіnі tergeýge alyp kettі. Onyń ústіnen “Alaıaqtyq” baby boıynsha qylmystyq іs qozǵaldy.
Qylmystyq kodekstіń 190-baby 3-bólіgіne sáıkes, Aqtóbe qalasynyń týmasyna qatysty úshіnshі qalalyq polıtsııa bólіmіnіń 16 aryzdanýshynyń shaǵymy boıynsha sotqa deıіngі tergep-tekserý bastaldy. Qazіr tergeý amaldary júrgіzіlіp jatyr, – dedі Aqtóbe qalasy polıtsııa basqarmasynyń bastyǵy Áset Qalıev.
Kúdіktі ýaqytsha ustaý ızolıatoryna qamaldy. Aldaǵy ýaqytta jábіrlenýshіlerdіń naqty sany men shyǵyn kólemі esepteledі.