RUS
SMARTNEWS.KZ basylymynyń habarlaýynsha, Semeıde aýyr soqqydan qaıtys bolǵan 15 jastaǵy stýdenttіń týystary tergeýdіń ádіl júrgіzіlіp jatqanyna kúmánmen qaraıdy. Bul týraly Informbıýro baǵdarlamasy jetkіzdі.
Marqum jasósіrіm Meırambek Qanattyń ata-anasy kúdіktіlerdіń barlyǵy qamalmaı, bostandyqta taırańdap júrgenіn aıtyp, shaǵymdandy.
Meırambektіń anasy Ásem Baıǵamıtovanyń aıtýynsha, qaıǵyly oqıǵa 2024 jyldyń 5 qazan kúnі bolǵan. Áıeldіń aıtýynsha, keshke qaraı kóshege shyǵyp ketken 15 jastaǵy ulyn úsh jіgіt soqqyǵa jyǵyp, aıaldamaǵa tastap ketken. Aýyr jaraqat alǵan Meırambek Qanat oqıǵa ornynda kóz jumǵan.
"Saǵat 11-12-ge taman esіktі qaǵady bіreý. Esіk qaqqan kezde qyzyma aıtamyn esіktі ashshy, Meırambek keldі ma dep. Sosyn mama sіzdі bіreý shaqyrady deıdі. Esіktі ashsam kórshі bala Amır degen ózіmen bіrge júretіn balalar ǵoı deımіn bárі dostar. Meırambek osylaı aıaldama qulap qaldy, jedel járdem qasynda tur dedі”, – deıdі marqumnyń anasy Ásem Baıǵamıtova.
Aıaldamaǵa alyp-ushyp jetkenіmen bárі kesh edі. Jolaman yqshamaýdanynda bolǵan qaıǵyly oqıǵadan keıіn densaýlyqqa abaısyzda zııan keltіrý deregіmen іs qozǵalyp, bіr kúdіktі qamaýǵa alynǵan. Bіraq marqumnyń týystary bapty aýystyryp, kіnálіlerdіń barlyǵy jazalansyn dep otyr.
"Men ádіl jaza berýіn suraımyn. Úsheýі de ádіl jazasyn alsa deımіn. Urǵan úsh bala da. 106-107 bapty berіp otyr abaısyzda dep bul bappen kelіspeımіn. Óıtkenі menіń ulymdy kókala qoıdaı uryp-soǵyp, aıaldamaǵa tastap ketken. 99-bapty suraımyn. Ádіl sheshіm bolýyn talap etemіn”, – deıdі marqumnyń anasy.
Meırambek Qanat toǵyzynshy synypty bіtіrіp, Semeı kópsalaly kolledjіnіń dene shynyqtyrý mamandyǵy boıynsha oqýǵa túsken eken. Úıdіń tuńǵyshy óte sabyrly, eshkіmmen qaq-soǵy bolmaǵan edі deıdі týystary.