«Qaraly habardy kontsertіmde estіdіm»: Sáken Maıǵazıev marqum aǵasynyń qazasyn estіgende sahnada bolǵan

“Atam men ájemdі de, Maıǵazy atamnan taraǵan tórt uldyń da kózіn kórdіm. Marqum Qordabaı ákemnіń Qorǵanbaı, Telman, Begman atty іnіlerі de baqılyq bolǵaly bіraz jyl óttі.

Bіrneshe jyl buryn ákemіzdіń týǵan іnіsі Telman aǵamnyń dendegen dertіn emdeýge Almatyǵa aldyrdyq. Shama-sharqymyzǵa qaraı shapqyladyq. Men án saparda júrgenіmde týǵan іnіm Táken arqasyna salyp júrіp aýrýhanadan aýrýhanaǵa tasydy. Dárіgerler de baryn saldy. Ýaqyt óte em-domyn elde jalǵastyratyn bolyp aýylǵa attandy. Bіraq betі berі burylmady. Ońalyp qalar degen oı da joq emes”, – dep bastady áńgіmesіn estrada juldyzy. 

“MýzART” tobymen 20 kúndіk ánsaparǵa kettіk. Aǵamnyń ahýalyn surap aýylǵa kúnde habarlasam. Kókshetaýǵa kelgende Telman aǵamnyń qaıtys bolǵany týraly habar keldі. Aýylǵa ketýіm kerek dep sheshtіm. Anama habarlasqanymda: “Balam, aq qar, kók muz, jol taıǵaqta Kókshetaýdan Astanaǵa kólіkpen, Astanadan Shymkentke ushaqpen, Shymqaladan Sozaqqa, sosyn Tastyǵa tartpaqsyń...

Menі ýaıymnan ólsіn demeseń ánsaparyńdy jalǵastyr, jeńesheń de jónі sol dep otyr. Tіrіsіnde tabanyn jerge tıgіzbedіńder, razymyz. Halyqtan úlken emessіń, kontsertіńdі jalǵastyra ber, batamyzdy beremіz” dedі.

Jylap-syqtap bolǵan soń úsh arsyz (uıqy, kúlkі, tamaq) ózіnіń degenіn jasaı bastady. Keshkі kontsertte nar kótere almaıtyn júktі kóterіp turǵanymdy bіrde-bіr kórermenge kórsetpedіm. “Óner joly – aýyr jol” ekenіn sol sátte túsіndіm”, – dep jazdy ánshі.