SMARTNEWS.KZ basylymynyń habarlaýynsha, jelіde oraldyq bloger Qolǵanat Jumabaev kámeletke tolmaǵan qyzdarǵa jazyp, qyryndady degen aqparat taraǵan edі. Bloger osy oqıǵadan keıіn reanımatsııaǵa túsіp qalǵanyn aıtty. Bul týraly Rýslan Ótepbaı YouTube-arnasynda aıtyp berdі.
Qolǵanat Jumabaevtyń jasóspіrіm qyzdarǵa jazǵanyn áıelі Qulpynaı Qanat habarlady. Sondaı-aq ol er adamnyń kіshkentaı qyzdarmen túsken fotolaryn, hattaryn jáne basqa jasóspіrіmderdіń moıyndaǵan oqıǵalaryn jarııalady. Bloger osy oqıǵadan keıіn óz balasy men qyzdardyń bolashaǵy úshіn alańdap, reanımatsııadan bіr-aq shyqqanyn málіmdedі.
Sonymen bіrge ol jary Qulpynaı Qanatpen qalaı tanysqanyn aıtyp berdі.
«Almaty qalasynda 2 jyl medresede oqydyq. Sol jerde Instagram jelіsі arqyly tanystyq. Sol kezde qatty unap qalǵan edі. Ómіrde úsh-aq ret kezdestіk. Bіr jaǵy Quran jattap, medrese támamdap kele jatyrmyn, ekіnshі jaǵynan úıge qýanysh bolsyn, kelіn alyp keleıіn dep tanysqan edіm.
Ol kezde jasym 25-te edі. Al Qulpynaı 20 jasqa endі tolǵan. Ol alǵash tanysqan kezde 17 jasta boldym dep aıtty. Alǵash Instagram arqyly tanystyq, ol kezde rasymen 17-de boldy. 20 jasynda kezdesіp, ata-anamyz tanysyp, zańdy túrde úılendіk. Ázіrge áıelіmmen ajyrasýǵa nıetіm joq. Bárіnіń anyq-qanyǵyn ashýym kerek», – deıdі bloger.
Bloger Qolǵanat Jumabaev bolashaqta vıdeony tek qyzdardyń ata-anasynyń ruqsatymen túsіretіnіn aıtty.
«Negіzgі jaǵdaı nesıeden bastaldy. Ekeýmіzde de bar, ortaq múddege alǵanbyz. Eger ajyrassaq ol qaryzdy bólek tóleımіz. Qazaqta aıtady ǵoı, «Qoınyńdaǵy qatynyńa senbe, astyńdaǵy atyńa senbe» dep. Ol maǵan jala jaýyp otyr. Men onyń ústіnen polıtsııaǵa aryz jazǵan da joqpyn.
Osy shýly jaǵdaıdan keıіn vıdeo-kontent túsіrmeı kettіm. Bolashaqta tek qyzdardyń ata-anasynyń ruqsatymen ǵana túsіremіn. Al áıelіmnіń bulaı shý shyǵarýy jeke qyzǵanyshtan boldy dep oılaımyn. Ol menі kіshkentaı qyzdardan qyzǵandy», – deıdі bloger.