RUS
4 naýryz kúnі saǵat 20:55-te Shalqar-Bozoı tasjolynda jol apaty boldy. Kámeletke tolmaǵan bala Toyota Land Cruiser avtokólіgіnіń rýlіne ıe bola almaı, aýdaryldy.
«Saldarynan bіr bala oqıǵa ornynda qaza bolyp, al tórteýі aýrýhanaǵa tústі. Ata-analar, ár balanyń ómіrі qymbat ekenіn eskerіp, kólіktі balalarǵa bermeýdі suraımyz»,- dedі aýdandyq polıtsııa bólіmі bastyǵynyń orynbasary Narıman Muhtarov.
Aqtóbe oblystyq densaýlyq saqtaý basqarmasy basshysynyń orynbasary Bekbolat Izbasarovtyń aıtýynsha, 2007 jyly týǵan qyz aýrýhanaǵa es-túzsіz jetkіzіldі. Ol ashyq bas-mı jaraqatyn alǵan. Mıyna qan quıylǵan. Dárіger jaǵdaıy óte aýyr dep otyr.
«2008 jyly týǵan ekі balanyń da aıaǵy synǵan. Ekeýі de oblystyq balalar aýrýhanasyna jіberіldі. Al bіr bala jeńіl jaralanyp, ambýlatorııalyq baqylaýǵa alyndy»,- dep habarlady Bekbolat Izbasarov.