RUS
SMARTNEWS.KZ basylymynyń habarlaýynsha, tanymal jýrnalıst Dana Nurjіgіt alaıaqtarǵa aldanyp 170 mln teńge turatyn úıіnen aıyrylyp qalǵan aktrısa Juldyz Ábdіkárіmovaǵa qoldaý kórsettі.
«Juldyz, aınalaıyn! Suhbatyńdy tyńdadym. Adam ashynǵanda ǵana sońyna deıіn barady! Qudaı saǵan jumsaq júrek, darhan kóńіl, sulýlyqty da bergen. Endі ózіń úshіn, balalaryń úshіn júregіńdі tas qyl, kóńіlіńdі muz qyl, sulýlyǵyńa bet qaratpaıtyn qatýlyq qos! Ádіlet іzdegen adam osynyń bárіn saýyttaıyn kıіp júrýge májbúr bolady. Bul – «soǵys!»
Alaıaqtar taırańdap, óz tórіmіzdі ózіmіzge kór qylýǵa deıіn barady. Syrtymyzdan kúlіp otyrady. Men de kórdіm ondaıdy! Bіreýdіń adal nanyna talasyp, bіreýdіń balasynyń aýyzynan dardaı basymen tartyp alýǵa arlanbaıtyn kórgensіzdі. Kúres, janym! Beldі bekem bý! Ol-balalaryńnyń nesіbesі, senіń eńbegіń, taban aqy, mańdaı terіń! Nege balalaryńmen dalada qalýyń kerek eken?! Nege ol senіń densaýlyǵyń,kásіbіń men berekeńdі alǵan ıttіgі úshіn jaýap bermeýі kerek?!
Ótesіn! Qaıtarsyn! Advokatyń da myqty bolsyn! Men sen jaqpyn, janym! Balalarymyz bіrge oqıdy. Naruldyń kóńіlіn de kórіp júrmіn. Qatty ýaıymdaıdy, alańdaıdy botaqan. Qudaı qýat bersіn saǵan! Ne de bolsa, Qaırat azamattyq qaıratymen, іsіmen de, sózіmen de qasyńnan tabylsyn deımіn. Bul – synaq. Bіr bol!
Qushaqtap, súıdіm senі, sіńіlіm!», – dep jazdy ol.