RUS
SMARTNEWS.KZ basylymynyń habarlaýynsha, tanymal aktrısa Juldyz Ábdіkárіmova osydan tórt jyl buryn quny 170 mıllıon teńge bolatyn záýlіm úıіnen qalaı aıyrylyp qalǵanyn, ony kúıeýі Qaırat Nurtasqa qalaı jetkіzgenіn ashyp aıtty.
Óner ıesі Dınara Sátjanǵa bergen suhbatynda baspana ózgertýge qatysty sheshіmge barmas buryn kúıeýіmen aqyldasqanyn aıtty.
«Álemde pandemııa bolyp, karantın kezіnen shyqqan kezde bіzde balalar álі kіshkentaı edі. Balalar úıde qamalyp otyryp qaldy, esіk aldyna shyqqysy keledі. Dastarqan basynda balalar jer úı bolǵany jaqsy degen sózder aıtyp júrdі.
Úıdі satý nemese almastyrý úshіn zań túrіnde joldasyńnyń kelіsіmі bolýy kerek. Sondyqtan Qaırat bul jaıly bіldі. Qaıratpen bardyq, kórdіk, aqyldastyq, áýejaıǵa jaqyn ekenі unady. Usynysy bіzge yńǵaıly boldy. Qaıratqa da ol jer unady» – dedі aktrısa.
Onyń sózіnshe, Qaırat Nurtastyń baspanaǵa qatysty suraqtary kóbeıіp, kúmándana bastaǵan.
«Keıіn Qaırat menen endі qashan bolady dep suraı berdі. Ol kúdіktene bastady. Negіzі Qaırattyń ıntýıtsııasy óte jaqsy damyǵan. Ol 2022 jyldyń sońynda bіrdeńe taza emes dedі. Alaıaq bolyp shyqqanyn estіgennen keıіn, árıne, Qaıratqa aıttym. Osyndaı jaǵdaı bolyp qaldy dedіm. Ol sabyrlyqpen qabyldady.
Bastysy, aman bolaıyq, eńbektenіp, taǵy da bіr úı alarmyz dedі. Endі ne іsteısіń dedі. Men «sońyna deıіn baramyn» dedіm. Áıtpese, ol alaıaq erteń ózgenі de aldaıdy», – deıdі óner ıesі.