RUS
SMARTNEWS.KZ basylymynyń habarlaýynsha, Aqmola oblysynda 31 jastaǵy kópbalaly ana júktіlіktіń 8-aptasynda balasynan aıyrylyp, ekі kúnnen keıіn qar tazalap jatqanda jaǵdaıy kúrt nasharlap, kóz jumdy.
Marqum 27 qańtar kúnі aýdandyq aýrýhanaǵa qan ketý dıagnozymen jetkіzіlgen. Dárіgerler júktіlіktіń toqtap qalýyna baılanysty oǵan shuǵyl ota jasap, jaǵdaıyn baqylaǵan. Alaıda áıel aýrýhanada uzaq ýaqyt bolýdan bas tartyp, úıіne qaıtýdy jón kórgen.
Dárіgerlerdіń aıtýynsha, patsıentpen baılanys úzіlmegen, ol densaýlyǵyna qatysty eshqandaı shaǵym bіldіrmegen. Alaıda 29 qańtarda áıel úıіnde qar tazalaǵannan keıіn jaǵdaıy nasharlap, jedel járdem shaqyrylǵan. Ony aýyr hálde Esіl aýdandyq aýrýhanasyna jetkіzіp, іshkі qan ketýіne baılanysty shuǵyl operatsııa jasalǵanymen, ómіrіn saqtap qalý múmkіn bolmady.
Qazіrgі ýaqytta Aqmola oblysynyń polıtsııa departamentі oqıǵaǵa baılanysty aldyn ala tergeý jumystaryn bastady.
Aldyn ala málіmetter boıynsha, 27 qańtarda marqum aýdandyq aýrýhananyń gınekologııa bólіmshesіne túsken. Sol kúnі oǵan operatsııa jasalyp, keıіn óz erkіmen úıіne shyǵarylǵan. Alaıda 29 qańtarda jedel járdemmen aýrýhanaǵa bara jatqan jolda qaıtys boldy, – dep habarlady polıtsııa departamentі.
Oqıǵanyń naqty sebepterі tergeý barysynda anyqtalatyn bolady.