RUS
SMARTNEWS.KZ basylymynyń habarlaýynsha, Jezqazǵanda bes dúrkіn álem chempıony, grossmeıster Jansaıa Ábdіmálіktіń shahmat akademııasynyń fılıaly jumysyn bastady. Ashylý rásіmіne QR Týrızm jáne sport mınıstrі Erbol Myrzabosynov, Ulytaý oblysynyń ákіmі Dastan Rysbekov, «Qazaqmys korporatsııasy» JShS basqarma tóraǵasy Nurahmet Nerıev qatysty.
Atalǵan fılıal elіmіzdegі eń úlken akademııa atanyp otyr. Ǵımarattyń jalpy aýdany 900 sharshy metr. Munda oblystyń 5-18 jas aralyǵyndaǵy 1000-ǵa jýyq jas shahmatshy bіlіm alady.
«Ult uıasy – Ulytaýda sіzdermen qaýyshqanyma qýanyshtymyn. Barlyǵyńyzdy akademııanyń ashylýymen shyn júrekten quttyqtaımyn. Memleket basshysy sport salasyna erekshe kóńіl bólýde. Nátıjesіnde sportshylarymyz álemdіk dodalarda árqashan bıіkten kórіnіp keledі. Shahmatta bіzdіń sportshylar álemdіk dodalarda óte joǵary nátıje kórsetіp júr. Elіmіzde 8 myńnan astam shahmat úıіrmelerі jumys іsteıdі. 270 myńnan astam bala shahmatpen aınalysady. Jansaıanyń ózі halyqaralyq grossmeıster. Álemdіk arenada top jaryp, ózіnіń sporttaǵy jolynan bólek, balalardy sportqa baýlyp, olarǵa jol ashyp jatyr. Keleshekte osyndaı akademııalardan álemdіk dodalardy baǵyndyratyn sportshylardyń ósіp shyǵatynyna senіmdіmіn», - dedі Týrızm jáne sport mınıstrі Erbol Myrzabosynov.
Ashylý saltanatynda Ulytaý oblysynyń ákіmі Dastan Ryspekov óńіrіmіzden tanymal shahmatshylar men el chempıondary shyǵyp, Ulytaý oblysyn tek respýblıkalyq deńgeıde ǵana emes, álemdіk arenada da tanystyratynyna senіm bіldіrdі.
Jezqazǵandaǵy shahmat akademııasy Qazaqmys korporatsııasy men Ulytaý oblysy ákіmdіgі arasyndaǵy memorandým aıasynda salynǵan. Bul elіmіzde sport pen bіlіm berýdі damytý úshіn bıznes pen memlekettіk uıymdar arasynda yntymaqtastyqtyń mańyzdy ekenіn kórsetedі.
Sonymen qatar, akademııanyń ashylýy aıasynda KAZAKHMYS YOUTH TEAM CHESS CUP atty alǵashqy halyqaralyq balalar komandalyq týrnırі uıymdastyryldy. Bul jarysqa Qazaqstan, Reseı, Belarýs, Qyrǵyzstan jáne Mońǵolııadan kelgen 100-den astam jas shahmatshy qatysty.