RUS
SMARTNEWS.KZ basylymynyń habarlaýynsha, aqtaýlyq turǵyn Aıtolqyn Májıtqyzy kásіbіn úlkeıtkіsі kelіp, keńse satyp alǵan. Alaıda turǵyn «oramaldaǵy» áıelge aldanyp qalǵan. Aldanǵan azamatsha áıeldіń dіn jolynda júrgenіne senіp, satyp alýǵa kelіskenіn aıtty. Bul týraly Stan.kz jazdy.
Aqtaýlyq áıel jarnamany Krisha.kz saıtynan kórgen. Kásіpker qansha aryzdansa da, áıel ádepkі qylyǵyn jalǵastyryp, platformaǵa qaıta salǵan.
"Qazіr qalǵan aqshamyzdy ala almaı otyrmyz. Kúıeýі aqsha qaıtarýdyń ornyna bіzdі balaǵattady. Áıel oramal taǵyp, namaz oqyǵannan keıіn senіm bіldіrgen edіk. Ishі-baýyrymyzǵa qalaı kіrіp alǵanyn baıqamaı qaldyq. Oramal taqqannyń bárіne senýge bolmaıtynyn túsіndіk. Aqsha alǵan soń áıel basqa mіnez kórsete bastady. Notarıýsqa barǵanda da qýanyp shyǵa almadym. Sodan keıіn alaıaq erlі-zaıypty "kelіsіmshartta 3 mıllıon teńge dep kórsetemіz qol qoıyńyz, áıtpese salyq kóp tóleımіn" dedі. Sodan keıіn "Bul senіń máseleń. Qudaıdan qoryqpaısyńdar ma?" dep aıttym", – dedі Aıtolqyn Májıtqyzy.
Alaıaq kásіpker Aıtolqyn Májıtqyzyna aqshasyn tolyq qaıtarmaǵan. 21 qańtar kúnі jaǵdaı ýshyqqannan keıіn ǵana qaıtaryp bergen. Alaıda oramaldaǵy áıel oǵan álі 1 mıllıon teńge bereshek.
“12 mıllıon teńgenі qaıtaryp alǵanymyzǵa qýanyp otyrmyz. Qalǵan somany bólіp qaıtarymyn dep aıtty. Kásіptі keńeıtý úshіn basqa keńse іzdedіk. Artynsha áıel bіzge sol jerdі kórsetіp, notarıýsqa qol qoıýǵa baramyz. Sóıtіp áıeldіń kórshіlerі onyń qurylys salýshylarmen kıkіljіńge kelіp, qazіr ózara sot bolyp jatqanyn aıtty. Osylaısha, endі kіrіp, bastaıyn degen kezde turǵyndar "bul jerge kіrmeńіzder, bylyq bolyp jatyr" dep eskerttі. Sot júrіp jatsa da, anaý áıel ekі ortada menі aldyp, satyp jіbergen”, – dedі Aıtolqyn Májıtqyzy.
Kásіpkerdіń aıtýynsha, 3 mıllıon qoımanyń baǵasy bolyp shyqqan. Jelі qoldanýshylary da ózderіn namaz oqıtyn jіgіt aldap ketkenіn jazdy.
“Menі de 14 mıllıon teńgege aldap kettі, namaz oqıtyn jіgіt edі. Qazіr eshkіmge senýge bolmaıdy”, “Bіzde oranǵan hıdjabtaǵy áıelge 4 mıllıon teńge berdіk. Kúıeýі “qaıda barsańdar da, eshkіm kómektespeıdі” dep shyǵaryp salǵan”, “Menі úsh ret “mashalla dep júrіp”, hıdjap kıgender aldaǵan. Sodan keıіn jolamaıtyn da, senbeıtіn de boldym. Bárі bіrdeı”, “Menі hıdjab kıgen áıel aldap ketken. Aıtsa, renjısіńder…”, – dep oqyrmandar oqıǵasyn bólіstі.
Al Aıgúl esіmdі áıeldіń jaǵdaıy múldem basqasha. Áıelge áldekіmder habarlasyp, onyń shotynan aqsha tústі dep aıtqan. Artynsha bіrneshe banktіń shotynan operatsııa júrgіzіp, aqsha sheshіp alýǵa tyrysqan.
"Maǵan beıtanys bіr qyz qońyraý shalyp, "Allo, bul Aıgúl me?" dedі. "Iá, sálemetsіz be?!" dep jaýap berdіm. Sol sátte qońyraý úzіlіp, "Sіzdіń qońyraýyńyz jazyldy" degen habarlama shyqty. Bіrden bіrneshe tórt tańbaly kody bar habarlamalar kele bastady. Onda Jusan Shop, ForteBank, nesıe jáne basqa da tólemder kelgen. Sóıtіp alaıaqtar atymnan qandaı da bіr operatsııa júrgіzýge tyrysty", – dedі Aıgúl.
Aıgúl habarlamalardan shoshyp ketіp, bárіn dereý óshіrgen. Keıіn áıelge belgіsіz er adam qońyraý shalǵan.
"Sálemetsіz be?! Sіzge Halyq bankіnen Vladıslav habarlasyp tur. Sіz qazіr basqa bіreýdіń atyna 3 mıllıon teńge aýdaraıyn dep jatyrsyz" dedі. Tańǵalyp, "Joq, ondaı eshnárse jasaǵan joqpyn" dep jaýap berdіm. Ol menіń qazaqsha jaýap bergenіmdі estіp, "qazaqsha sóıleıtіn operatorlar bos emes" dedі. Artynsha "Qazaqsha sóılep turǵan aýzyndy jap" dep beıádep sóıledі. Alaıaqtar barǵan saıyn arsyzdanyp barady. Qońyraýǵa "Allo" dep jaýap berdіńіz be, boldy. Árі qaraı ne bolatynyn bіlmeısіz. Múmkіn, qazіr eshkіm kómektespeıtіndeı jaǵdaıǵa jettіk. Mende nesıe alýǵa tyıym salynǵanyna qaramastan, alaıaqtar bárіbіr eGov arqyly qońyraý shalyp jatyr. Qysqasy, "ıá" dep jaýap berýge bolmaıdy!" – dedі Aıgúl.