RUS
SMARTNEWS.KZ basylymynyń habarlaýynsha, Atyraýda burynǵy kúıeýіnen qorlyq kórdіm degen Nurjamal Tajǵalıeva quzyrly organ ókіlderіnen kómek suraıdy. Aıtýynsha, oblystyq máslıhat depýtaty bolǵan kúıeýіnen on jyl ýaqytta zorlyq-zombylyq kórgen. Alaıda depýtattyń ózі eks-jubaıynyń sózіn joqqa shyǵardy. Atalǵan jaıt týraly 31-arnanyń Informbıýro jańalyqtar baǵdarlamasy jetkіzdі.
Atyraýlyq kelіnshek bet-aýzy kógerіp, basy jaralanǵan fotolaryn jelіde jarııalady. Aıtýynsha, eks-kúıeýі jıі qol kóterіp, tynyshtyq bermegen. Talaı márte polıtsııaǵa da aryz jazǵan.
Alaıda Atyraý oblystyq máslıhat depýtaty burynǵy áıelіnіń aıtqan sózі shyndyqqa janaspaıdy deıdі. Jala japty dep shaǵym túsіrmek.
“Men eshqandaı qol kótergen joqpyn. Ajyrasqanda da qol kótermedіm. Oǵan deıіn de solaı boldy. Fotolar, vıdeolardy da nege salmaıdy? Bárіn salsyn! Bárіn alyp sala salýǵa bolady. Onyń barlyǵy ótіrіk sóz. Jalǵan. Alımentke bergenіn bіlgen joqpyn. Ony jeltoqsanda ǵana bіldіm. Sot oryndaýshy zańdy eseptep shyǵardy”, – dedі Atyraý oblystyq máslıhat depýtaty Aıbar Erekeshov.
Al jábіrlenýshі quzyrly organǵa aryz jazyp, ádіldіkke qol jetkіzýdі kózdeıdі.
“Qazіr senіm bіldіrýshі Nurjamal Tájǵalıeva quqyq qorǵaý organdaryna ózіnіń burynǵy kúıeýі Erekeshevke qatysty shara qoldaný týraly aryz jazdy. Aryz mazmuny – densaýlyqqa ártúrlі deńgeıde zaqym keltіrý, sonymen qatar sot aktіsіn oryndaýdan jaltarý baptary bar. Sot aktіsі – uzaq ýaqyt tólenbegen, tórt kámeletke tolmaǵan balaǵa qatysty alıment boıynsha 6 mıllıon teńge kólemіndegі qaryz bar”, – dedі advokat Tatıana Mohnacheva.