RUS
SMARTNEWS.KZ basylymynyń habarlaýynsha, ekі aıdan asa іzdestіrіlgen 26 jastaǵy qyzdyń máıіtі Almatydaǵy Keńsaı zıraty mańynan tabyldy. Marqum Aısha Hamıttі ózі jaqyn aralasyp kelgen jіgіtі páterde qylqyndyryp, qylmysyn jasyrý úshіn denesіn sómkege salyp, aıdalaǵa aparyp tastaǵan. Qazіr polıtseıler 19 jastaǵy kúdіktіnі qolǵa túsіrdі. Qaskóı kіnásіn tolyq moıyndaǵan, tіptі qyzdy májbúrlep nesıe alǵyzǵanyn da rastapty. Bul týraly KTK arnasynyń jańalyqtar qyzmetі aıtty.
26 jastaǵy Aısha Hamıt byltyr qarashada úıіnen týǵan kún keshіne baramyn dep shyǵyp, sol kúıі oralmaǵan. Dese de, onyń telefonynan jaqyndarynyń hatyna jaýap kelіp otyrypty.
“19 jastaǵy bala eken, esіmі Nurmahan. Nesıe aldyrtqan, somasy da úlken. Bіlýіmіzshe, ekі mıllıonnan asýy kerek. Qaıtarmaımyn degen soń Aısha "Ata-anama aıtamyn, polıtsııaǵa aryzdanamyn" degen. Bul sol jerde, páterde óltіrgen”, – deıdі marqumnyń ápkesі Ásııa Hamıt.
Qara jamylǵandardyń aıtýynsha, kúdіktі jіgіt marqumdy aldymen páterde býyndyryp óltіrgen. Keıіn denesіn polıetılenge orap, sómkege salǵan. Sóıtіp máıіt salynǵan sómkenі Keńsaı zıraty tóńіregіndegі saıajaıǵa tıesіlі jerge, qarǵa kómіp ketіptі.
Aısha Hamıt kúdіktіmen jazda tanysyp, sodan berі telefon arqyly sóılesіp júrgen. Onymen TikTok jelіsіnde emshі іzdep otyryp tanysypty. Marqum qyz syrqat ápkesіn "osy kіsіge kórsetemіn" dep onyń kómekshіsіmen, ıaǵnı kúdіktіmen tanysqan.
“Aýrý ápkesіn emdeımіn dep, TikTok-tan alaıaqqa kezіgіp qalady. Sonymen barǵan kezde, jańaǵy baldyzy eken, kómekshіsі bop júrgen, sóıtіp tanysyp qalady. Keshe bіz súıektі alyp shyqqan kezde tórt jіgіt áreń kóterdіk. Eń kemі, qyzdyń salmaǵy 60 kelі. Al anaý, 19 jastaǵy jіgіt ol 60 kelі denenі jalǵyz ózі kóterіp júre almaıdy”, – dedі marqumnyń naǵashysy Tabıǵat Álіbek.
26 jastaǵy Aısha otbasynyń jalǵyz asyraýshysy bolǵan. Aýdandyq mektepte qazaq tіlі men ádebıetі pánіnen sabaq berіptі. Qazіr polıtsııa 19 jastaǵy kúdіktіnі qolǵa túsіrgen. Qaskóı qolmen jasaǵan qylmysyn tolyǵymen moıyndapty.
“Adam óltіrý deregі boıynsha Medeý aýdandyq polıtsııa basqarmasy qylmystyq іs qozǵady. Kúdіktі ustalyp, qamaýǵa alyndy. Bolǵan qylmystyń basqa da mán-jaıy anyqtalyp jatyr”, – dep málіmdedі Almaty qalasy PD resmı ókіlі Saltanat Ázіrbek.
Al marqumnyń denesіnde zorlyq belgіlerі bolǵan-bolmaǵanyn endі sot-medıtsınalyq saraptamasy anyqtamaq. Qara jamylǵan otbasy qylmys jasaǵan sybaılastary da tabylyp, qaskóıler laıyq jazasyn alar degen úmіtpen otyr.