RUS
SMARTNEWS.KZ basylymynyń habarlaýynsha, Astana qalasynyń ákіmshіlіk quqyq buzýshylyqtar jónіndegі mamandandyrylǵan aýdanaralyq soty áleýmettіk jelіde jalǵan aqparat taratqan azamattyń іsіn qarady.
Tergeý barysynda quqyq buzýshy áleýmettіk jelіlerde záýlіm úıdіń beınerolıgіn jarııalap, ony halyqtyń qaıyrymdylyqqa bergen qarajatyna salynǵanyn jáne Astana qalasynyń bas ımamyna tıesіlі ekenіn málіmdegenі anyqtaldy. Bul áreketі arqyly ol jábіrlenýshіnіń ar-namysy men bedelіne nuqsan keltіretіn kórіneý jalǵan aqparat taratqan.
Sot otyrysynda quqyq buzýshy óz kіnásіn tolyq moıyndap, úıdіń naqty kіmge tıesіlі ekenіn jáne qandaı qarajatqa salynǵanyn bіlmeıtіnіn túsіndіrdі. Ol beınerolıktі tek qyzyǵýshylyq úshіn jarııalaǵanyn aıtyp, ókіnіsh bіldіrdі. Jábіrlenýshі sottan ózіn qaralaǵan adamdy zań aıasynda jazalaýdy surady.
Ákіmshіlіk quqyq buzýshylyq týraly kodekstіń (ÁQBtK) 73-3-babynyń 2-bólіgіne sáıkes, quqyq buzýshyǵa 180 aılyq eseptіk kórsetkіsh (AEK) kólemіnde aıyppul (707 760 teńge) nemese 20 táýlіkke deıіn qamaýǵa alý jazasy qarastyrylǵan.
Sot jaza taǵaıyndaý barysynda quqyq buzýshynyń kіnásіn moıyndaýy men shyn júrekten ókіnýіn jeńіldetetіn mán-jaı retіnde esepke aldy. Nátıjesіnde, sot qaýlysymen ol ÁQBtK-nіń 73-3-babynyń 2-bólіgі boıynsha kіnálі dep tanylyp, 180 AEK kólemіnde aıyppul tóleýge mіndetteldі.