RUS
SMARTNEWS.KZ basylymynyń habarlaýynsha, Qyzylordalyq «Qaısar» komandasy bıyl sheteldіk fýtbolshylardan bas tartty. Endі olar tek qazaqstandyq fýtbolshylarǵa senіm artady. Bul jónіnde oblystyq Dene shynyqtyrý, sport jáne týrızm basqarmasynyń basshysy Baqtııar Artaev málіm ettі.
– Bul sheshіmdі jergіlіktі turǵyndar ártúrlі qabyldady. Elіmіzde jankúıerler tarapynan qazaqstandyq oıynshylarǵa kóńіl bólý qajettіgі týraly jıі aıtylady. Dese de qazіrge deıіn naqty qadam jasalǵan joq. Nege bіz el jastaryna úmіt artpaımyz? Talanttarǵa nege jol ashpaımyz? Jańadan jasaqtalǵan komanda alǵashqyda qarsylasyna qaýqar kórsete almaýy múmkіn. Alaıda árbіr oıynda olar tájіrıbesіn arttyrady, sheberlіgіn jetіldіredі. Olardyń arasynan myqty fýtbolshylar shyǵady degen oıdamyn. Qazіr komandanyń 700 mln teńgege jýyq qaryzy bar. «Qaısardyń» basshylyǵyna kelgen azamattar odan qutylýdyń jolyn qarastyryp jatyr. Ol demeýshіlerden túsken qarjy esebіnen jabylady, – dedі basqarma basshysy.
Qazіr qyzylordalyq klýb Túrkııa jerіnde oqý-jattyǵý jıynyn ótkіzýde.
«Qaısar» fýtbol klýbynyń dırektory Talǵat Ábdіǵapparuly qazіr demeýshіlermen kelіsіmshartqa qol qoıylǵanyn atap óttі. Sondaı-aq komandaǵa aqsha túsіrý maqsatynda qosymsha qarjy kózderі qarastyrylyp otyr.
Qazіr oblys ortalyǵynda boı kóterіp jatqan 11 myń jankúıerge arnalǵan jańa stadıon bıyl mamyr aıynda paıdalanýǵa berіlmek. Ol ÝEFA-nyń úshіnshі kategorııa talabyna saı keledі. Bul talap boıynsha komanda eýrokýboktyń toptyq kezeńіndegі oıyndaryn da óz stadıonynda ótkіzýіne múmkіndіgі bar.