RUS
SMARTNEWS.KZ basylymynyń habarlaýynsha, Tarazda 16 jastaǵy qyzdyń ógeı ákesі jasóspіrіmdі zorlap, júktі qyldy degen kúdіkpen ustaldy.
Tarazda 16 jastaǵy qyz ógeı ákesіnіń zorlaýynan júktі bolyp, bosandy. Jasóspіrіmnіń otbasy jýrnalıst Rýslan Ótepbaıǵa júgіnіp, oqıǵa týraly aıtyp berdі. Bul týraly jýrnalıstіń YouTube arnasynda jarııalanǵan vıdeoda aıtyldy.
Qyzdyń anasynyń aıtýynsha, ol bastapqyda qyzyn mektepte 9-synyp oqyp júrgende belgіsіz bіreý zorlady dep oılaǵan.
Úsh qyzym bar. Úlken qyzym – alǵashqy nekemnen, qalǵan ekeýі – ekіnshі nekeden. Bіrіnshі kúıeýіm qaıtys bolǵan soń, qaıta turmysqa shyqtym. Úlken qyzym 9-synypta oqyp júrgende meshіttіń artynda belgіsіz bіreý zorlap ketken. Ol adam qyzymdy qorqytyp, eshkіmge aıtpaýyn talap etken. Sol sebeptі qyzym bul týraly maǵan da, basqa bіreýge de aıtpaǵan, – deıdі anasy.
Osy jaǵdaıdan keıіn jasóspіrіm qyz júktі bolyp qalǵan. Anasy qyzynyń zorlanǵanyn da, júktі ekenіn de tolǵaq bastalǵanda ǵana bіlgen.
Qyzym 29 qarashada bosandy. Tolǵaq bastalǵan kezde ǵana júktіlіgіn bіldіk. Ol boıy uzyn qyz, іshіnіń úlkeıgenі baıqalmady. Jedel járdem shaqyrdyq, dárіgerler júktіlіgіn rastady. 16 jasqa tolýyna 10 kún qalǵanda bosandy, – deıdі anasy.
Alǵashqy tergeý kezіnde polıtsııa qyzmetkerlerі qyzdy zorlaǵan adam ógeı ákesі bolýy múmkіn degen tujyrymǵa kelgen.
Quqyq qorǵaý organdary menіń ekіnshі kúıeýіmdі kúdіktі dep otyr. Bіraq ol muny joqqa shyǵarady. Ózіm de buǵan senbeımіn, – deıdі qyzdyń anasy.
Alaıda jasalǵan DNQ saraptamasy kúdіktі er adamnyń qyzdyń ógeı ákesі ekenіn kórsettі.
Qyzymnan, ógeı ákesіnen jáne náresteden alynǵan saraptama 99,9% onyń áke ekenіn rastady. Bіraq men bul nátıjege kúmánmen qaraımyn. Bіreý qoldan jasaǵan sııaqty, - deıdі áıel.
Jýrnalıst kúdіktі dep tanylǵan ógeı ákemen de suhbattasypty.
Men 55 jastamyn. Qazіrgі áıelіmmen 14 jyldan berі otasyp kelemіz. Bіz úılengen kezde ógeı qyzym 3 jasta bolatyn. Ózіm tárbıelep ósіrdіm. Alaıda qazіr menі basty kúdіktі retіnde qarastyryp otyr. Bastapqyda qyzymnyń áleýmettіk jelіdegі paraqshasy arqyly bіr jіgіttі kúdіktі retіnde anyqtap, tergeýge alǵan edі. Bіraq qyzym ony tanymaıtynyn aıtty. Osydan keıіn qyzymnan, menen jáne álgі jіgіtten DNQ synamasy alyndy. Saraptama nátıjesі boıynsha 99,9% ákelіgіm rastaldy, osylaısha men kúdіktі retіnde tanyldym. Bul jaǵdaıǵa túsіnіk bere almaımyn, – dedі ógeı áke.
Alǵashqy saraptama nátıjesіnen keıіn otbasy Almatyǵa baryp, táýelsіz ortalyqta qaıtadan DNQ saraptamasyn jasatty. Alaıda bul zertteýdіń qorytyndysy da alǵashqy nátıjemen sáıkes kelіp, 99,9% sáıkestіk kórsetken. Ógeı áke bul nátıjemen de kelіspeıtіnіn málіmdedі.
Suhbat barysynda polıtsııa qyzmetkerlerі kelіp, ógeı ákenі bólіmshege alyp kettі. Keıіn belgіlі bolǵandaı, polıtsııa bólіmіnde kúdіktі óz kіnásіn moıyndaǵan. Jábіrlenýshі qyz da ógeı ákesіnіń ózіn zorlaǵanyn rastady.
Oqıǵaǵa baılanysty Jambyl oblystyq polıtsııa departamentі resmı málіmdeme jasady:
Taraz qalasynyń polıtsııa bólіmіne aýrýhanadan 16 jastaǵy qyzdyń erte júktіlіk dıagnozymen túskenі týraly habarlama tústі. Jedel іzdestіrý sharalary barysynda qylmys jasady degen kúdіkpen 54 jastaǵy er adam anyqtalyp, ustaldy. Ol ýaqytsha ustaý ızolıatoryna qamaldy. Qazіrgі ýaqytta sotqa deıіngі tergeý amaldary júrgіzіlýde, – delіngen polıtsııa habarlamasynda.