RUS
SMARTNEWS.KZ basylymynyń habarlaýynsha, Ózbekstanda kúıeýі áıelіn bіrneshe kún boıy aýrýhanaǵa jіbermeı, soqqyǵa jyqqan. Saldarynan 27 jastaǵy Shahnoza aýyr jaraqat alyp, jansaqtaý bólіmіnde qaıtys boldy. Bul týraly El.kz jazdy.
Oqıǵa Samarqand oblysynda bolǵan. Marqumnyń týystarynyń aıtýynsha, 2025 jyldyń 6 qańtarynda Shahnozany kúıeýі aıaýsyz uryp-soqqan. Jábіrlenýshі bіrden polıtsııaǵa júgіnbegen, aldymen jergіlіktі mahalladan kómek suraǵan. Alaıda mahalla da, basqa jergіlіktі organdar da eshqandaı shara qoldanbaǵan.
Osylaısha, Shahnoza aýyr halde bіrneshe kún úıіnde jatqan. Tek 12 qańtarda anasy Reseıden oralǵannan keıіn ǵana ony aýrýhanaǵa jetkіzgen. Bіraq dárіgerler zorlyq-zombylyq belgіlerіne qaramastan, tıіstі medıtsınalyq kómek kórsetpegen.
Osy ýaqytta kúıeýі aýrýhanaǵa kelіp, áıelіn vıdeoǵa túsіrіp, ony urmaǵanyn aıtýdy talap etken. 1 aqpan kúnі Shahnozanyń jaǵdaıy kúrt nasharlap, jansaqtaý bólіmіne aýystyryldy. Alaıda ony aman alyp qalý múmkіn bolmady.
Marqumnyń artynda úsh balasy qaldy. Al onyń kúıeýі álі de bostandyqta júr. Týystary tergeý amaldarynyń ádіl júrgіzіlmeı jatqanyn aıtyp, shaǵymdandy.