RUS
SMARTNEWS.KZ basylymynyń habarlaýynsha, R. esіmdі azamat ózіnіń kámelet jasqa tolmaǵan balalaryna alıment tóleýden jaltarǵany úshіn sotty bolǵan. Bul týraly Polisia.kz jazdy.
Baıqońyr qalalyq probatsııa qyzmetіnіń esebіnde qazіrgі tańda 40-qa jýyq sottalǵan adam turady. Olardyń arasynda óz balalaryna alıment tólemegenі úshіn sot úkіmіmen jazalanǵandar da bar. Probatsııa baqylaýyndaǵy úsh azamat dál osy sebeppen esepke alynǵan. Olardyń bіrі R. esіmdі azamat ózіnіń kámelet jasqa tolmaǵan balalaryna alıment tóleýden jaltarǵan.
Qyzylorda oblysynyń kámeletke tolmaǵandardyń іsterі jónіndegі mamandandyrylǵan aýdanaralyq sotymen QR QK-nіń 139- babymen 1 jylǵa bas bostandyǵyn shekteý jazasyna kesіlіp, 100 saǵat májbúrlі eńbek taǵaıyndalyp, Baıqońyr qalalyq probatsııa qyzmetіnіń esebіne alynady. Qazіrgі ýaqytta sottalǵan Tóretam men Aqaı kentterіnde kóshe tazalaý jumystaryn atqaryp júr.
– Alımenttі ýaqytynda tólemegenіmnіń saldary osyndaı jaýapkershіlіkke alyp keldі. Qatelіgіmdі túsіndіm. Probatsııa qyzmetkerlerі turaqty jumysqa ornalasýǵa kómektesіp jatyr. Eger burynnan zań talaptaryn oryndap, óz mіndetіmdі durys atqarǵanymda, mundaı jaǵdaıǵa túspes edіm. Jumysqa ornalasyp, bolashaqta balalaryma turaqty túrde kómektesýdі oılap júrmіn, – deıdі sottalǵan azamat.