RUS
SMARTNEWS.KZ basylymynyń habarlaýynsha, 13 aqpan – QR Memlekettіk syılyǵynyń ıegerі, Qazaqstannyń halyq ártіsі Eskendіr Hasanǵalıevtіń týǵan kúnі. Tіrі bolǵanda qazaq mýzyka ónerіnіń maıtalmany 85 jasqa tolar edі.
Eskendіr Ótegenuly Hasanǵalıev 1940 jyly 13 aqpanda Batys Qazaqstan oblysynda týǵan.
1959 jyly Qurmanǵazy atyndaǵy Almaty memlekettik konservatorııasynyń vokaldy-hor fakýltetin, 1978 jyly Ál-Farabı atyndaǵy Shymkent mádenıet ınstıtýtyn bіtіrdі.
Ómіrіn ónerge arnaǵan Hasanǵalıevtіń «Atameken», «Ádemі», «Asyl arman», «Ómіrіmnіń jazy», «Eskіrmegen mahabbat» ánderіn bіlmeıtіn qazaq joq.
Qazaqtyń án ónerіne zor úles qosqan sazgerdіń repertýaryndaǵy avtorlyq týyndylary el júregіnen oıyp turyp oryn alǵan. Shyǵarmashylyq ǵumyrynda orys, tatar, nemіs aqyndarynyń óleńderіne de án jazǵan. 200-ge jýyq án, romans jáne horǵa arnalǵan shyǵarmalardyń avtory.
Marapattary: Qazaqstannyń halyq ártіsі, QR Memlekettіk syılyǵynyń, «Qurmet», «Otan» ordenderіnіń ıegerі. «Platındy Tarlan» syılyǵynyń laýreaty, «QR Táýelsіzdіgіne 20 jyl medalі», «QR Táýelsіzdіgіne 25 jyl» medalіnіń ıegerі, Oral pedagogıka ınıstıtýty men Shákárіm atyndaǵy Semeı memlekettіk ýnıversıtetіnіń qurmettі professory, Batys Qazaqstan oblysynyń qurmettі azamaty.
Kompozıtor 2021 jyly 30 sáýіrde koronavırýstan qaıtys boldy.
Almaty mýzeıіnde Eskendіr Hasanǵalıevtіń 85 jyldyǵyna arnalǵan «Atameken» – el rýhy» atty kórme ashyldy. Onda kompozıtordyń jeke zattary men fotosýretterі, marapattary, sahnalyq kostıýmderі, partıtýralary, mýzykalyq aspaptary, afıshalar jáne otbasylyq zattary tur.