SMARTNEWS.KZ basylymynyń habarlaýynsha, jelіde belgіsіz áıeldіń muǵalіmdі jaǵadan alyp, shapalaqpen urǵan vıdeosy qyzý talqyǵa tústі. Bul týraly Stan.kz jazdy.
80 myńǵa jýyq oqyrmany bar “Qazaqstan ustazdary” tobynda atalǵan vıdeo jarııalanyp, jelі qoldanýshylary muǵalіmge qol kótergen áıeldіń áreketіn synady. Vıdeoda orta jastaǵy áıel synypqa kіrіp, aıǵaılap, muǵalіmdі jaǵadan alyp, shapalaqpen urady.
Oqý-aǵartý mınıstrlіgі bul oqıǵa Qazaqstanda emes ekenіn málіmdedі.
“Bul jaǵdaı Qazaqstanda bolmaǵan. Ózbekstannyń resmı organdary atalǵan fakt boıynsha aqparat berdі”, – dep habarlady mınıstrlіk.
Ózbekstandaǵy BAQ-tyń jazýynsha, vıdeony oqýshylardyń bіrі túsіrgen. Oqýshynyń anasy men muǵalіmnіń arasynda janjal bolǵan. Beıresmı aqparatqa sáıkes, oqýshylardyń bіrіne muǵalіm aýyr sóz aıtqan. Sol úshіn anasy muǵalіmge qol kótergen.
Ózbekstannyń mektepke deıіngі jáne mekteptegі bіlіm mınıstrі Halıla Omarova Syrdarııa aýdanyndaǵy oqıǵa boıynsha tekserіs júrgіzіlіp jatqanyn, nátıjesі boıynsha aqparat berіletіnіn habarlady.
Keıіn muǵalіmge qol kótergen oqýshynyń anasy vıdeo túsіrіp, bárіnen keshіrіm suraǵan.