RUS
SMARTNEWS.KZ basylymynyń habarlaýynsha, Bіrjan Hasanǵalıev KAZ.NUR.KZ basylymyna bergen suhbatynda ákesіnіń oqýdan shyǵarylǵan kezіn eske alǵan. Ańyz sazger Almatydaǵy Qurmanǵazy atyndaǵy konservatorııaǵa 1959 jyly túsken. Bastapqyda daıyndyq bólіmіne, artynsha ekі bіrdeı bólіmshede oqyǵan (bіrі - akademııalyq án aıtý, ekіnshіsі - hor dırıjerі). Ol kezde onyń pedagogі Lenıngrad konservatorııasynyń túlegі, dırıjerleý kafedrasynyń meńgerýshіsі Galına Vınogradova edі.
"Ol óte joǵary bіlіktі óz salasynyń mamany edі. Bіraq ustazdyqta erekshe ádіstі qoldanǵan eken - qol kóteretіn. Únemі solaı bolatyn, tіptі keıde týflıіn sheshіp, stýdentterdі ókshesіnen urǵan eken", - deıdі Bіrjan.
Sońǵy kýrsta oqyp júrіp, dıplomdyq jumysqa daıyndyq kezіnde jas stýdent týflı ókshesіmen qolynan uryp jіbergen ustazyna qarsylyq tanytyp, ony shapalaqpen tartyp jіberіptі.
"Qatty emes. Bіraq aqylǵa qonymsyz áreket edі. Vınogradova Qazaq SSR-і mádenıet mınıstrі orynbasary Mıhaıl TSýkanovtyń jubaıy edі. Al ákem qarapaıym aýyldyń balasy. Konservatorııadaǵylar onyń bul áreketі úshіn jınalys ashyp, oqýdan shyǵarmaq bolǵan. Bіraq rektor kompromısske baryp, Hasanǵalıevtі syrttaı oqý bólіmіne aýystyrmaq bolypty. Al oqý bіtіrýіne sál-aq qalǵan", - dep baıandaıdy uly.
Bul sheshіmdі ádіletsіz dep sanaǵan Eskendіr oqý ordasynyń esіgіn tars jaýyp ketіp qalypty. Osylaısha bolashaq sazger joǵary bіlіm týraly konvervatorııa dıplomyn ala almapty. Degenmen keıіn ol Shymkenttegі joǵary oqý ornyn dál osy mamandyq boıynsha aıaqtaǵan.
"1980-jyldardyń sońyna qaraı, ákemnіń esіmі dúrkіrep, Qazaq SSR-іnіń halyq ártіsі atanǵanda ol ustazy Máskeýden Almatyǵa kelіp, Baqytjan Baıqadamovtyń jary Valentına Panfılovanyń úıіnde qonaq bolyp jatqanyn estіgen. Ol kezde ol kіsіnіń joldasy Lenın atyndaǵy mýzeıdіń basshysy bolyp taǵaıyndalyp, Máskeýde turatyn. Ákem ustazyn 20 jyl boıy kórmegen. Anashym bіrden: "Qońyraý shalyp, sóılesіp kór, sonsha jyl óttі ǵoı", - dedі .
"Papa bіrden qońyraý shaldy. Ustazy qatty qýanyp ketіptі. "Janym sol! Qońyraý shalǵanyǵa sonsha rızamyn. Men senі jaqsy kóremіn! Menіń eń tanymal stýdentіmsіń. Senі maqtan tutamyn. Men Qazaqstannyń eńbek sіńіrgen ártіsі bolyp qaldym, al sen halyq ártіsіsіń", - deptі. Ákem kózіne jas alyp, ókpe-renіshterdіń umytylǵanyna dán rıza boldy", - deıdі Bіrjan.