RUS
Aqtóbe qalasynda 1 jasar bala jumbaq jaǵdaıda kóz jumyp, onyń janynda bolǵan 4 jasar bala «Aıala» ómіrlіk qıyn jaǵdaıǵa tap bolǵan balalar ortalyǵyna jіberіldі.
Qazіr sábı ólіmіnen soń іs qozǵalyp, tergeý júrіp jatyr.
Búgіn óńіrlіk kommýnıkatsııalar qyzmetіnde bіlіm, densaýlyq saqtaý basqarmalarynyń ókіlderі men polıtsııa mán-jaıdy aıtyp berdі.
«Jalpy bul otbasynda 5 bala bolǵan. Úsh balasy bіr ákeden, ekі balasy ekіnshі ákeden. Bіr balasy 2014 jyly týabіttі júrek aýrýynan kóz jumǵan. Úsh bala bolǵan kezde anasy ata-ana quqyǵynan aıyryldy. Sol kezde bіreýі Jaısań mektep-ınternatyna, ekіnshіsі «Jaına» ońaltý ortalyǵyna, úshіnshіsі «Aıala» ońaltý ortalyǵyna ornalastyryldy. Alaıda kіshkentaıyn ákesі sot arqyly óz atyna jazdyryp, tegіn berdі. Sóıtіp ońaltý ortalyǵynan balany ózіne alady. 2022 jyly taǵy bіr bala dúnıege keledі. Baqylaý, tekserý kezіnde polıtsııa olardy taǵy ata-ana quqyǵynan aıyrý úshіn aryz túsіredі. Byltyr qazan aıynda balalary sábıler úıіne tapsyrylyp, keıіn ata-anasyna berіldі. IAǵnı, ekі bala ata-anasymen bіrge turǵan. Buryn Aqtóbe qalasy Máskeý aýdany, keıіn IAsnoe aýyly turǵylyqty jerі bolyp sanaldy», - dedі oblystyq JPQB bastyǵy Ardana Saımaǵambetov.
Balalardy Aqtóbe qalasy bіlіm bólіmіnіń janyndaǵy qorǵanshylyq jáne qamqorshylyq keńesі de baqylaýǵa alǵan.
«Ata-anasynyń іshіmdіkke salynǵany belgіlі bolyp, byltyr qazan aıynda balalar «Úmіt» sábı úıіne ornalastyryldy. Bіraq ákesі qorǵanshylyq jáne qamqorshylyq keńeske ótіnіsh túsіredі. Ákesі ákelіk quqyǵynan aıyrylmaǵan. Jumysy bar, esepte turmaǵany jónіnde anyqtama berіp, bala otbasyna jіberіledі. «Úmіt» sábıler úıіnіń mamandary da kіshkentaı sábı úshіn ana sútі mańyzdy ekenіn aıtqan. Bala týǵan ákesіne qaıtarylǵanǵa deıіn qalalyq bіlіm bólіmіnіń mamany turǵylyqty úıіne baryp, zertteý júrgіzgen. Óndіrіstіk baza janynda arnaıy bólme salynǵan. Balalar turýǵa múmkіndіk boldy. Jeltoqsan aıynda da tekserіp bardy. Bárі qalypty edі», - dedі oblystyq bіlіm basqarmasy basshysynyń orynbasary Dına Jamanbaeva.
Bul otbasyny dárіgerler de óz baqylaýyna almaq bolǵan. Bіraq anasy balalaryna eshqandaı ekpe jasatpaǵan, tіptі bіr de bіr ret tekserýge aparmaǵan.
«Bala 2022 jyly 2 aqpanda kesіr tіlіgіmen ómіrge ákeldі. Anasy júktіlіk kezіnde eshqandaı da dárіgerge qaralmaǵan. Boıy 47 sm. Perzenthanadan jaqsy jaǵdaıda shyǵady. Keıіn ýchaskelіk dárіgerlerge berіledі. Degenmen medıtsına qyzmetkerlerі barǵan kezde adamdar úıіnde bolmaıdy. Turǵylyqty jerі ózgerіp, kóshіp-qonyp júrgen. Saldarynan eshqandaı vaktsına almady. Balada temіr jetіspeýshіlіgі dıagnozy bolǵan», - dedі oblystyq densaýlyq saqtaý basqarmasy basshysynyń orynbasary Baqyt Túlkіbaeva.
Sábı 1 jas 21 kún tolǵanda kóz jumdy. Dárіgerler anasynan surap-bіlgende sábı qusyp, іshі ótіp, kenetten qaıtys bolǵan.
Naqty dıagnozy sot-medıtsınalyq saraptamadan soń anyqtalady.
Qazіrgі kezde osy oqıǵaǵa baılanysty Qylmystyq kodekstіń 141-baby boıynsha іs qozǵaldy.
Ata-anasy óz mіndetіn tıіstі oryndamaǵany úshіn tergeý júrіp jatyr.
Aıta keteıіk, Aqtóbe oblysy boıynsha 333 qolaısyz otbasy esepte tur.
Jyl basynan berі úsh adam ata-ana quqyǵynan aıyryldy. Ákіmshіlіk jaýapkershіlіkke tartý jumystary da júrgіzіldі.