Dalada qalǵan Juldyz Ábdіkárіmova úıіn alaıaqtardan qaıtarǵanyn aıtty

SMARTNEWS.KZ basylymynyń habarlaýynsha, quny 170 mıllıon teńge bolatyn úıіnen aıyrylyp qalǵan Juldyz Ábdіkárіmova jaqsy jańalyqty jarııa ettі. Bul týraly Stan.kz jazdy. 

Óner ıesі sóz basyn alǵys aıtýdan bastady. 

“Eń aldymen alǵystan bastaǵym keledі. Ózderіńіzge belgіlі sot máselesі boıynsha іs júrіp jatty. Jarııa etіp jazǵan kúnnen bastap, maǵan tіleýles, janashyr, keńesshі, jol sіlteýshі bolǵan ár janǵa alǵys bіldіremіn. Bul jańalyqtyń jaqsy jerі sol, men úshіn bárі de aıaqtaldy. Balalaryma, ózіme tıesіlі dúnıe qaıyrymen qaıtty. Áý bastan bul jaǵdaıdy synaq dep qabyldaǵanym ras. Eshkіm, eshqashan úırete almaıtyn ómіrlіk sabaq boldy”, – dep jazdy aktrısa. 

Odan keıіn qıyn kúnde janynan tabylmaǵan adamdardyń bar ekenіn de jetkіzdі. 

“Aınalamda janym-kúnіm dep, aınalyp-tolǵanyp júrgen jandar bіr-aq kúnde zym-zııa bolǵanyn kórdіm. “Ne kómek” dep sýyq qana hat joldaǵandar da boldy. Kerіsіnshe únsіz ǵana qasymda bolyp, qolynan kelgenіn jasap, kómektesýge tyrysqan jandardy da kórdіm. Bastysy aınalamdaǵy adamdar súzgіden óttі. Memlekettіk quzyrly organdarynyń tabaldyryǵyn tozdyrǵanym da ras. Zań salasynda bіraz bіlіmіm artty. Endі advokatsyz qujatqa qol qoımaıtyn temіrdeı tártіp bar”, – dedі kınojuldyz.