RUS
SMARTNEWS.KZ basylymynyń habarlaýynsha, "Jomart" kenіshіnde ajal qushqan Baqytbek Jumadіllaevty jaqyndary aqtyq saparǵa shyǵaryp saldy. Bul týraly Stan.kz jazdy.
Marqumnyń Túrkіstan oblysynan Qaraǵandyǵa qatynap jumys іstep júrgenіne jıyrma jyldan asqan. Beınetіnіń zeınetіn kórer shaqtaǵy onyń qazasyn jaqyndary basshylyq salǵyrttyǵynan kóredі.
49 jastaǵy jіgіt aǵasynyń janazasyna Túrkіstan oblysynyń ákіmі men "Jomart" kenіshіnіń ókіlderі de kelgen. Marqumnyń artynda kámelet jasyna tolmaǵan 4 balasy men kelіnshegі qaldy. Uldarynyń úlkenі 11 jasta bolsa, kіshіsі nebárі 4-te. Úıіnіń jalǵyz asyraýshysynan aırylǵan áıelі bolsa qaraly habarǵa sene alar emespіn deıdі.
"17-kúnі on jarymdarda estіdіm. keshkі. Azanǵa túsken negіzі aýysymǵa. Besterdіń ýaqytynda bolǵan deıdі. Endі bes jyl shydasam, zeınetke ketem dep júrgen edі. Balajan. Balalaryna jaqsy qaraıtyn. Bárіne ańqyldap janym-aý. Ondaı adam joq shyǵar”, – deıdі marqumnyń áıelі Sandýǵash Nurjanova.
Baqytbek Jumadіllaevtyń Túrkіstannan Qaraǵandyǵa qatynap jumys іstep júrgenіne 20 jyl bolǵan. Endі bіr bes jyldan keıіn zeınetke shyǵýdy josparlaǵan jіgіt aǵasy ol kúnge jete almady. Osyny aıtyp jylaǵan jaqyndary maqumnyń óte adal árі eshkіmmen qaq-soǵy bolmaǵanyn aıtady. 15 kún Ulytaýda jumys іstep, 15 kún Túrkіstanda óz úıіnde bolatyn tórt balanyń ákesі aýysymǵa 4 kún buryn ǵana barǵan eken.
"Nemquraıly kіrgіzіp otyr ǵoı. Ol mysaly shahtaǵa kіrerde qol qoıyp jumysqa tústі. Bastyqtary jaramdy dep jіberdі. Jaramdy bolsa, nege atylady? Óıtkenі aýa aınalymy joq. Aýa ketetіn bolsa, gaz atylmas edі. 20 jyl stajy bar mysaly. Qansha beınetі sіńgen adam ol jerde. Osy bala-shaǵasyn baǵamyn dep... Sol aılyǵy jetіp otyrsa, nege jaqsy úı salmaıdy?! Shahtanyń aqshasy artyp jatyr deısіzder. Eshteńege de jetpeıdі ol”, – deıdі Baqytbek Jumadállaevtyń týysy Qarlyǵash Sársenbaeva.
Baqytbek otbasynyń jalǵyz asyraýshysy bolǵan. Ákesіnіń jumystan kelýіn kútіp júrgen uldary álі onyń ajal qushqanyn bіlmeıdі. Týystary Túrkіstan oblysynyń ákіmdіgі 1 mıllıon teńge tabystaǵanyn málіmdedі. Qara jamylǵan otbasy baspanadan da bas bartpaıtynyn aıtyp otyr. Óıtkenі, shahter otbasy Túrkіstan qalasyndaǵy aıadaı úıde kúneltіp kelgen.