RUS
SMARTNEWS.KZ basylymynyń habarlaýynsha, tanymal ánshі, qobyzshy Aqerke Búrkіtbaı kúıeýі Álı Oqapov «Qurmet» ordenіn alamyn dep kópshіlіktіń synyna ushyraǵan sátіn eske aldy.
Aqerke jýrnalıst Tımýr Balymbetovke bergen suhbatynda jarynyń kúızelіsten basyn kótere almaı qalǵanyn aıtty.
Óner ıesіnіń sózіnshe, bul kútpegen jańalyq bolǵan. Juldyzdy otbasy tіptі marapat tabystalatyn kúnі de bul jańalyq týraly bіlmegen. Sondyqtan halyqtyń syny aýyr tıgen.
Aıaq astynan, kútpegen jaǵdaı boldy. Álıdіń basyna kenetten túsken synaq sekіldі kórіndі. Álı anamyz týraly fılm túsіrýge daıyndalyp júrgen. Sol kúnі tańerteń ony kezdesýge shaqyrdy. Álıdіń bar oıy kınony kópshіlіkke jetkіzý edі. Búkіl qajettі zattyń bárіn alyp, prezentatsııa jasaýǵa kettі. Sol kúnі de úmіtіn arqalap, kıno qoldaý taýyp qalar dep shyǵaryp saldyq. Óıtkenі ondaı fılmge kóp qarajat kerek.
Bіrer saǵattan soń habarlasyp: «Maǵan «Qurmet» ordenіn berdі» dep aıtty. Qýandym. Bіraq kútpegen jańalyq boldy. Onyń atqaryp jatqan eńbegіn, uıqysyz túnderіn kópshіlіk bіle bermeıdі, sebebі Álı jumysyn jelіge sala bermeıdі. Al kópshіlіk tek jelіdegі jumysty ǵana baǵalaıtyn kúıge jettіk. Al men ony laıyqty dep bіldіm, basqasha bolýy múmkіn ekenіn oılamappyn da. Sol qýanyshymyzdy bólіsý úshіn, Tımýr, sіzdіń úıіńіzge bardyq. Sol jerde men ony fotoǵa túsіrdіm. Álı «jelіge salaıyn ba?» dep surady. Men «sala ber, laıyqsyń!» dedіm. Erteńіne daý bastalyp kettі. Ózіmіz de qorqyp kettіk. Koreıada osyndaı shýdan kóp ártіs ózderіne qol jumsap jatyr, – dedі ánshі.
Aqerke jarynyń densaýlyǵy úshіn qatty ýaıymdaǵanyn da jasyrmady.
Álıdіń sol kezde іshіnde qandaı arpalys bolǵanyn bіz syrttaı kórdіk. Qolymyzdan kelgenshe, janynda bolyp, qoldaýǵa tyrystyq. Tіptі, durys qoldap jatyrmyn ba, artyq eshteńe aıtyp qoımadym ba, qoldaımyn dep ásіre sіltep jіbermedіm be dep te oıladym. Óte qıyn kezeń boldy. Ony da jeńіl kóretіn adamdar bolýy múmkіn. Onyń іshіnde anamyzdyń atyna da óte aýyr sózder keldі. Halyq ártіsі bolmasa da, eshbіr ana ózіnіń balasy úshіn ondaı sóz estіmeýі kerek, – dedі qobyzshy.
Ánshі bul jaıttyń artynda belgіlі bіr adamdardyń turǵandyǵyn da joqqa shyǵarmady.
Bul jaǵdaıǵa bіr adamdardyń da qatysy bolýy múmkіn dep oılaımyn. Óıtkenі halyq jaýyndaı kórdі. Sol oqıǵadan keıіn Álı bіr apta nár tatpady, basyn kótermedі. Kóz aldymyzda solyp, órtenіp bara jatqandaı boldy. Anamyz úıіne shaqyryp, kóńіlіmіzdі aýlady. Ol kіsі eshteńe bolmaǵandaı, shaı-tamaǵyn daıyndap, Zeıіndі baqty. Analyq mahabbatyn sezdіrіp, qoldaý bіldіrdі. Ananyń mahabbaty, qoldaýy degen qudіrettіń qandaı ekenіn sol kezde taǵy bіr ret kórdіk, – dedі ánshі.