RUS
SMARTNEWS.KZ basylymynyń habarlaýynsha, Astanada mektep avtobýsy 9 jastaǵy qyzdy basyp kettі. Alǵan jaraqattarynan oqýshy oqıǵa ornynda jan tapsyrǵan. Bul týraly Eýrazııa bіrіnshі arnasy jetkіzdі.
Ol 4-synypta oqyǵan. Marqumnyń týystarynyń aıtýynsha, oqıǵa qyz sabaqqa bara jatqanda bolǵan. Avtobýs júrgіzýshіsі osy kezde kólіktі artqa aıdaǵan. Alaıda kólіkke bulaı aınalym jasaý úshіn jol tar bolǵan.
“Bіz úshіn ol hanshaıym edі. Jaqsy oqydy, óte jaqsy boldy. Úsh balanyń arasyndaǵy jalǵyz qyz edі. Bіz úshіn orny tolmas qaıǵy. Men júrgіzіshі men dırektor kіnálі dep esepteımіn. Sebebі ol jaqta aýla óte tar. Endі dırektor men júrgіzýshі jazalansyn“, – dedі marqumnyń týysqan ápkesі Aıgúl Qańtarbaeva.
Al derekterge súıensek, avtobýs júrgіzýshіsі tájіrıbelі maman bolǵan.
“Ol úlken kіsі, ózі de – ata. Jylap, qaıǵyryp júr. Jeke tanymasam da, mektepte kóretіnmіn. Jaqsy adam, balalarymyzdy tasıtyn. Eshkіmdі dırektordy da, júrgіzýshіnі de jaqtamaımyz. Barlyǵy zańǵa saı sheshіlsіn”, – dedі Ata-analar komıtetіnіń múshesі Gúlnur Amanova.
Bіlіm basqarmasy oqys oqıǵaǵa qatysty jaǵdaı qatań baqylaýda bolatynyn jetkіzdі.
“Aqmola oblysynyń bіlіm basqarmasy qaıǵyly oqıǵa bolǵan otbasyǵa kóńіl aıtady. Oqıǵaǵa baılanysty arnaıy komıssııa quryldy. Olar mán-jaıdy túbegeılі anyqtaý úshіn barlyq qajettі іs-sharalardy uıymdastyrýda. Oqýshynyń otbasyna qajetі psıhologııalyq qoldaýlar kórsetіledі”, – delіngen habarlamada.
Polıtsııanyń málіmetіnshe, qazіr avtobýs júrgіzýshіsі ýaqytsha ustaý ızolıatoryna qamalǵan. Qylmystyq іs qozǵalyp, tergeý júrgіzіlýde.