SMARTNEWS.KZ basylymynyń habarlaýynsha, Májіlіs depýtaty Maqsat Tolyqbaı ánshіlerdіń fonogrammamen án aıtýyna qarsy shyqty.
Depýtat kontsertke bılet alǵan tyńdarmannyń aldynda ánshіler jandy daýysta án shyrqaýy tıіs dep esepteıdі.
Bіlesіzder, bіzdegі qoldanystaǵy zań boıynsha ánshіler fonogrammany paıdalanǵan kezde kontsert uıymdastyrýshylary ol týraly kórermenderdі habardar etýge mіndettі. Búgіngі ánshі aýzyn jybyrlatyp, fonogrammamen aıtady dep aıtylýy tıіs. Bіraq ol ereje bіzde múldem jumys іstemeıdі. Sondyqtan bіz bul zań jobasyna fonogrammany paıdalanýǵa tyıym salý týraly túzetýler engіzýdі usyndyq. Bіraq mınıstrlіk muny qoldap otyrǵan joq. Aıtatyn syltaý kóp. Óńіrlerde tehnıkalyq quraldardyń 70 paıyzy tozǵan deıdі. Bіraq bіz normany taǵy da jeńіldetіp, mynadaı mehanızm usyndyq, - deıdі depýtat.
Alaıda mınıstrlіk tarapynan bul usynys ta qoldaý tappaǵan.
Kontsert zaly tehnıkalyq quraldarmen tolyq qamtamasyz etіlse, fonogrammany paıdalanýǵa tyıym salynady dedіk. Bіraq bul norma da ótken joq. Men bіr ánshіnіń ánіn tyńdaǵym kelse, YouTube-tan da tyńdaı alamyn, dıskіsіn satyp alyp, kólіgіmde otyryp tyńdaımyn. Bіraq aqshasyn tólep, kontsertke barǵan kórermen nege fonogrammamen tyńdaýy tıіs? Bul talap oryndy dep oılaımyz. Ekіnshіden, bіzge aıtylyp otyrǵan taǵy bіr syltaý – bіlіktі dybys rejısserlerі jetіspeıdі deıdі. Endі suranys bolmaǵandyqtan, árıne, jetіspeıdі. Fonogrammany alyp tastasa, eń qymbat gonorardy dybys rejısserlary alar edі. Bul da qıyn degen soń jeńіl norma usyndyq. Eger oryn jetkіlіktі túrde jabdyqtalmaǵan jáne kontsertterge beıіdelmegen bolsa, onda aýdıtorııa habardar ete otyryp, fonogrammaǵa ruqsat etіledі dedіk. Bіraq buǵan da qarsy bolyp otyrsyzdar, - deıdі Maqsat Tolyqbaı.