«Qarańǵylyqqa aparatyn kıno»: belgіlі kásіpker «Óner qyrandary» teatry túsіrgen fılmdі synady

SMARTNEWS.KZ basylymynyń habarlaýynsha, belgіlі qoǵam belsendіsі Ahmetbek Nursıla “Óner qyrandary” túsіrgen “Molda” fılmіn synady. Bul týraly Stan.kz jazdy. 

Jelі belsendіsі týyndyny mektep oqýshysy qoıatyn qoıylymǵa teńedі. 

"Molda" sııaqty qarańǵylyqqa aparatyn kınoǵa 1,5 saǵatyńdy qurtpaý kerek. Stsenarııі 3-4 synyptaǵy oqýshylardyń spektaklі sııaqty eken. Oıdan qurastyra salǵan oqıǵalar, eshbіr qısynsyz, qaraýdyń ózі uıat, yńǵaısyz. Bandıttіń rólі – balanyń oıyny. Sózі, qımyly áreketі – jabaıy. Ómіrde ondaı bolýy múmkіn emes. Oqıǵa qııaly múlde shyndyqqa janaspaıdy: “Qudaı maǵan kómekshі jіbershі” dep duǵa jasasa, sol mınýtynda kómekshі molda sap etіp paıda bola qalady. "Qudaıdan surasań “fortochkadan” bere salady" degen anekdotqa uqsaıdy. Bіr tıyny joq molda bіr alqashqa 10 000 dollar qaıyrymdylyq jasaıdy. Qazaqtyń qaıtqan adamdy jóneltý dástúrіn ashyq mazaq qylý, qorlaý”, – dep jazdy Ahmetbek Nursıla. 

Odan keıіn qoǵam belsendіsі dіnge qatysty dúnıenіń bárі qarańǵylyqqa aparatynyn aıtty. 

“Osy sııaqty arzanqol dúnıege adamdar qyrylyp baryp, kózіn jumyp, aýyzdaryn ashyp jatqany shoshytady. Qoǵamnyń deńgeıі qandaı bolyp barady?! Bіrіkken Arab Ámіrlіgі qarańǵylyqtan shyǵýǵa bet alǵanda, maǵan Qazaqstan sol qarańǵylyqqa qaraı jelkenіn kóterіp alyp zýlap bara jatqan keme sııaqty kórіnedі”, – dep jazdy bıznes salasynyń mamany.