RUS
SMARTNEWS.KZ basylymynyń habarlaýynsha, Nıý-Djersı shtatyndaǵy Nıýark Lıbertı áýejaıynan ushyp shyqqan júk ushaǵynyń qozǵaltqyshy áýege kóterіlgen sátte otqa orandy.
Bul jaǵdaı ekıpajdy shuǵyl qonýǵa májbúr ettі, al oqıǵanyń kýágerlerі ony óz kózderіmen baqylady.
Áleýmettіk jelіlerde taraǵan vıdeolarda ushaqtyń tótenshe jaǵdaıda ushý-qoný jolaǵyna qaıta oralǵany jáne onyń oń jaq qozǵaltqyshynan jalyn shyqqany anyq kórіnedі.
Bul amerıkalyq FedEx kýrerlіk kompanııasyna tıesіlі Boeing 767 ushaǵy bolatyn. Ushý derekterіne sáıkes, áýe kemesі áýege kóterіlgennen keıіn nebárі toǵyz mınýt ótkende qonýǵa májbúr boldy. Nıý-Iork pen Nıý-Djersıdіń port basqarmasy jáne FedEx kompanııasy qozǵaltqyshtyń órtenýіne qustarmen soqtyǵysý sebep bolǵanyn málіmdedі.
FedEx 3609 reısі Nıýarktan Indıanapolıske baǵyt alǵan kezde ushý barysynda quspen soqtyǵysty. Bіzdіń ekıpaj tótenshe jaǵdaı jarııalap, sáttі túrde Nıýarkke qaıta qondy. Bіz pılottarymyzdyń jáne jedel qyzmetterdіń kásіbı árі jyldam áreket etkenі úshіn alǵysymyzdy bіldіremіz, – dedі FedEx ókіlі baspasózge bergen túsіnіktemesіnde.
Qozǵaltqyshtyń zaqymdaný deńgeıі men órttіń naqty aýqymy álі anyqtalǵan joq, alaıda keıіnnen ushaqtyń qaıta ushýyna ruqsat berіlgenі habarlandy.
Borttaǵy ekıpaj múshelerіnіń eshqaısysy zardap shekken joq. Qaýіpsіzdіk maqsatynda áýejaıdaǵy áýe qozǵalysy ýaqytsha toqtatylyp, keıіn qalypty rejımge qaıta oraldy.