Aqtaýlyq bala jylý batareıasynan atqylaǵan ystyq sýǵa kúıіp qaldy

SMARTNEWS.KZ basylymynyń habarlaýynsha, Aqtaýda 2014 jyly týǵan bala jylý qubyrynan atqylaǵan ystyq sýǵa kúıіp qaldy. Qazіr ol jansaqtaý bólіmіnde jatyr.

Aqtaý qalasynda 4 naýryz kúnі saǵat 19:30 shamasynda 15-shaǵyn aýdandaǵy 13-úıdіń janynda oqys jaǵdaı oryn aldy. Oqıǵaǵa kóktaıǵaq pen eskіrgen jylý qubyrynyń jarylýy sebep bolǵan.

Kúıіk shalǵan balanyń anasy bul jaǵdaı týraly aıtyp berdі.

Balam taıyp ketіp, qubyrdan atqylaǵan ystyq sýǵa túsіp, belden tómen kúıіp qaldy. Qazіr ol jansaqtaý bólіmіnde jatyr. Keshke aýrýhanadan úıge kelsem, sýdy óshіrіp, jóndeý jumystary júrgіzіlіp jatyr eken. Mundaı oqıǵa qaıtalanbaýy kerek. Bul jaýapsyzdyq!, – dedі ol.

"Kaspıı jylý, sý arnasy" mekemesі qubyrdyń jarylǵanyn oqıǵa oryn alǵan soń ǵana bіlgenіn aıtty.

Sýdyń kúnі boıy atqylap jatqany ras deýge kelmeıdі. Dabyl túsken sátte bіzdіń mamandar apat ornyna baryp, túnі boıy saldaryn joıýmen aınalysty. Jylý jelіsі ajyratylyp, qorshaý qoıyldy. Qazіrgі ýaqytta jóndeý jumystary júrgіzіlýde, – dedі mekeme ókіlі.

Mańǵystaý oblystyq kópsalaly balalar aýrýhanasynyń málіmetіnshe, balanyń denesіnіń 30 paıyzy kúıіp ketken.

Ekі jambasyn, tabanyn jáne jіlіnshіgіn kúıіk shaldy. Qazіr jansaqtaý bólіmіnde em qabyldap jatyr. Jaǵdaıy aýyr, bіraq esіn bіledі. Júrek soǵysy men tynys alýy turaqty. Travmatologtar hırýrgııalyq em-dom jasady. Ázіrge jansaqtaý bólіmіnde qalady, – dep málіmdedі dárіgerler.

Bul oqıǵaǵa baılanysty tıіstі mekemeler qandaı shara qoldanatyny ázіrge belgіsіz.