RUS
SMARTNEWS.KZ basylymynyń habarlaýynsha, іzdeýde júrgen Arǵyn Nyǵmatýlınnіń jubaıy Naıle Belbaeva Almatynyń bedeldі Medeý aýdanynda ornalasqan elıtalyq taýnhaýstyń ıesі.
Bul múlіk burynǵy “Almaly Gornaıa 103 B” tutynýshylar kooperatıvіnіń aýmaǵynda ornalasqan. Atalǵan kooperatıvtіń quryltaıshylarynyń bіrі – Naıle Belbaeva. 2022 jyly kooperatıv qyzmetіn toqtatqanymen, derekter bazasy onyń bul aktıvke álі de ıelіk etetіnіn kórsetedі. Bul týraly "Vyhod k morıý" Telegram arnasy habarlady.
Elıtalyq keshen áıgіlі “Medeý” muz aıdynyna aparatyn jolda, Kereı-Jánіbek handar kóshesіnde (burynǵy Gornaıa kóshesі) ornalasqan. Munda barlyǵy 12 taýnhaýs bar, al keshennіń aýmaǵy jabyq jáne jeke kúzetpen qamtylǵan.
Arǵyn Nıgmatýlın men onyń áıelі 103/17, 2-korpýsta turady. Olardyń ıelіgіnde 600 m² turǵyn úı, jeke avtoturaq, shatyrdaǵy terrasa jáne shaǵyn baq bar. Taýnhaýstyń terezelerі burynǵy prezıdent Nursultan Nazarbaevtyń rezıdentsııasyna qaraıdy. Qazіrgі tańda bul nysan memleket menshіgіne ótken.
Almatynyń elıtalyq Medeý aýdanyndaǵy taýnhaýs keshenі tek yqpaldy árі tanymal tulǵalarǵa arnalǵan. Bul jerde kezdeısoq adamdar turmaıdy. Naıle Belbaevanyń kórshіlerіnіń arasynda da belgіlі adamdar bar. Solardyń bіrі – Nurlan Nıgmatýlınnіń aǵasy Erlannyń jary Baqyt Serіkbaeva.
Bastapqyda "Almaly Gornaıa 103 B" kooperatıvіnіń quryltaıshylary qatarynda mynalar bolǵan:
- Aqmaral Batalova – Asqar Batalovtyń (burynǵy vıtse-mınıstr) jubaıy;
- Janna Ospanova – Rýslan Shaekınnіń (bıznesmen) áıelі;
- Janna Jaqsybek – Dáýren Jaqsybektіń (bankır) jary;
- Marfýǵa Baltabaeva – Nurlan Igembaevtyń (KTZ Express-tіń eks-basshysy) qaıynenesі;
- Lıazzat Sársenova – Anııatýlla Sársenovtyń (Almatydaǵy qarjy monıtorıngі departamentіnіń burynǵy basshysy) qaryndasy;
- Erqanat Jumabekov pen Nurlan Baıdábekov – belgіlі kásіpkerler.
Budan bólek, bul keshende zańmen máselelerі bolǵan taǵy bіr tulǵa – Eldos Qospaev turdy. Ol Bolat Nazarbaevtyń jaqyn serіkterіnіń bіrі sanalǵan. 2024 jyldyń qańtarynda Qospaev qylmystyq top qurǵany úshіn 15 jylǵa sottaldy.