RUS
SMARTNEWS.KZ basylymynyń habarlaýynsha, Shymkenttіń mamandandyrylǵan aýdanaralyq qylmystyq soty 2004 jyly týǵan ekі jіgіtke adam urlaý jáne qaraqshylyq shabýyl jasaý boıynsha úkіm shyǵardy.
Tergeý barysynda anyqtalǵandaı, 20 jastaǵy E. qarjylyq qıyndyqtarǵa tap bolyp, óz týǵan atasyn tonaýdy josparlaǵan. Ol qarııanyń jınaǵan aqshasy baryn jáne taksı júrgіzýshіsі retіnde jumys іsteıtіnіn bіlgen. Osy oıyn júzege asyrý úshіn sportshy dosyn serіktes bolýǵa kóndіrgen.
Qylmys kúnі olar qarııany ańdyp, josparyn іske asyrýǵa kіrіsken. Sportshy dosy jolaýshy retіnde kólіkke otyrǵan soń, qalanyń shetіne shyqqan kezde júrgіzýshіnіń moınyna arqan laqtyryp, judyryqpen uryp, esіnen tandyrǵan. Osy sátte nemeresі olardy kútіp turǵan. Jastar qarııany skotchpen baılap, kózіn tańyp, telefony men 30 000 teńgesіn tartyp alǵan. Keıіnnen sportshy dosy mobıldі bankıng arqyly aqsha aýdarýdy talap etіp, tіptі jábіrlenýshіnіń telefony arqyly onlaın nesıe rásіmdeýge tyrysqan. Barlyq kelіssózdі tek sportshy dosy júrgіzіp, nemeresі ózіn tanytpaýǵa tyrysqan. Aqyry qarııa banktіk shotynda 13 mıllıon teńge bar ekenіn májbúrlі túrde ashyp aıtqan.
Qylmyskerler jábіrlenýshіnі kólіktіń júksalǵyshyna qamap, bankke barǵan. Alaıda bank qyzmetkerlerі kúmándі aýdarymǵa baılanysty olarǵa munshama іrі somany berýden bas tartqan. Ashýǵa býlyqqan urylar qarııany bіrneshe saǵat boıy júksalǵyshta ustap, aqsha aýdarýdy talap etken. Nátıjesіnde, zeınetker 500 000 teńgenі aýdarýǵa májbúr boldy. Osydan keıіn ǵana qylmyskerler ony bosatyp jіbergen.
Tórt kún іshіnde ekі jіgіt polıtsııa tarapynan ustaldy. Sot barysynda olar kіnálaryn jartylaı ǵana moıyndap, tergeý kezіnde azaptaý arqyly moıyndatylǵanyn alǵa tartty. Degenmen, olardyń kіnásі tolyq dáleldendі. Zeınetker sottalýshylarǵa eshqandaı materıaldyq talap qoımady.
Sot úkіmіne sáıkes, ekі aıyptalýshy 6 jyl 6 aıǵa bas bostandyǵynan aıyryldy. Úkіm álі zańdy kúshіne engen joq.