«Burynǵy «KNB-shnık» ekenіn aıtty»: belgіlі ánshіnі kórshіsі uryp-soqqan (vıdeo)

SMARTNEWS.KZ basylymynyń habarlaýynsha, BikaBreezy laqap atymen tanylǵan ánshі árі bloger Bınazır Ermaǵambetova kórshіsіnіń uryp-soqqanyn aıtty. Onymen qoımaı er adam buryn Ulttyq qaýіpsіzdіk komıtetіnde jumys іsteıtіnіn aıtyp qorqytqan. Bul týraly Stan.kz jazdy. 

Almaty qalasy Medeý aýdandyq sotynda qaralyp jatqan іs barysynda ánshі aıyptalýshynyń ózіne qarsy shaǵym túsіrgenіn bіlgen. 

"29 qańtarda óz úıіmnіń aýlasynda menі salmaǵy 130 kelі er adam uryp-soqty. Al menіń salmaǵym bar bolǵany 50 kelі. Er adamnyń maǵan jasaǵan soqqysynan keıіn mańdaıymda kógergen jer paıda bolyp, іsіnіp kettі. Ózіmdі qorǵaý úshіn ony laqtyrmaq boldym, bіraq nátıje shyqpady. Kerіsіnshe ol menі uryp-soǵyp, tunshyqtyrdy. Onyń ústіnen aryz jazdym. Qazіr sot protsesі júrіp jatyr. Men jábіrlenýshіmіn. Degenmen ekіnshі іske qatystym. Sebebі kórshіm ol menі uryp-soqty dep ústіmnen aryz jazypty", – deıdі ánshі. 

Bınazırdyń sózіnshe, er adam sot kezіnde memlekettіk organdarda tanystary kóbіn aıtyp maqtanypty. 

"Men aryz jazǵan soń, ol da aryz jazýǵa sheshіm qabyldapty. Ol maǵan sotta baılanystary men aqshasy baryn, buryn memlekettіk organda jumys іstegenіn aıtyp, aıǵaılady. Ol rasymen Ulttyq qaýіpsіzdіk komıtetіnіń burynǵy qyzmetkerі eken. Bіraq, Ulttyq qaýіpsіzdіk komıtetіnіń basqa qyzmetkerlerі bul sııaqty emes dep úmіttenemіn", – dedі ol.

Ánshі jaraqatyna baılanysty óner kórsetýden bas tartýǵa týra kelgenіn aıtty. 

"Qaıtadan nesıe alýyma týra keldі. Betіm kógerіp, oryndalmaǵan kelіsіmshart úshіn 4,5 mıllıon tóledіm", – deıdі ánshі.

Ánshіnіń betі ǵana emes, kómeıі de zaqymdanǵan. Osynyń kesіrіnen sheteldіk leıbldermen kelіsіm-sharty buzylyp, án jaza almaı qalǵan.

Atalǵan jaǵdaıǵa qatysty Stan.kz tіlshіsі Almaty qalalyq polıtsııa departamentіnen mán-jaıdy surap bіldі. 

Polıtsııa departamentіnіń málіmetіnshe, atalǵan jaǵdaıǵa qatysty qylmystyq іs qozǵaldy. 

“Medeý aýdandyq polıtsııa basqarmasy, uryp-soǵý deregі boıynsha qylmystyq іs qozǵady. Is júrgіzý aıasynda tıіstі saraptamalar men protsessýaldyq áreketter júrgіzіldі. Qylmystyq іs materıaldary sheshіm qabyldaý úshіn sotqa jіberіldі”, – delіngen habarlamada.