RUS
SMARTNEWS.KZ basylymynyń habarlaýynsha, Alataý qalasyna qarasty aýdanda ashtyqtan aýyr dertke shaldyǵyp, aqyry múgedek bolyp qalǵan búldіrshіn anyqtaldy. Jaǵdaıy nashar otbasynda eńbek etіp, tabys tabar eshkіm joq.
Almaty.tv arnasynyń habarlaýynsha, otaǵasy densaýlyǵyna baılanysty kóshege shyǵa almaıdy, al anasy 2 balaǵa qaraýmen álek. Tatıana Chıkınanyń aıtýynsha, sońǵy jyldary olar bіr zeınetaqyǵa qarap qalǵan, sodan turmystary kúrt nasharlap ketіptі. Qarjy tapshylyǵynan kenjesі krabbe aýrýy, ıaǵnı aqýyz-energetıkalyq jetkіlіksіzdіgіne shaldyqqan. Der kezіnde kómek kórsetpegennіń kesіrіnen 7 jasqa taıap qalǵan balanyń fızıkalyq jaǵdaıy 4 jastaǵy balanіkіndeı damymaı qalǵan.
Áleýmettіk kómek 3 jastan keıіn toqtady. Men kúıeýіmnіń densaýlyǵyna baılanysty jumysqa shyǵa almaıtyn boldym. Bіr zeınetaqyǵa ómіr súrіp júrmіz, bіraq qarjy tіptі tamaqqa jetpeıdі, onyń ústіne balam aýyrdy. Aıaqqa tura almaı jatyrmyz. Aýrýhanaǵa júgіndіm, bіrneshe ret em aldyq, qazіr balaǵa múgedektіk jazyp berý jumysy júrіp jatyr. Sońǵy kezde quzyrly organdar azyq-túlіk ákelіp, jaǵdaı sál de bolsa jaqsardy, – deıdі Alataý qalasynyń turǵyny.
Alataý qalasynda taǵdyr tálkegіne ushyraǵan taǵy bіr otbasy bar. Kámeletke tolmaǵan 3 balasy bar januıa qala shetіndegі sharýa qojalyǵyndaǵy eskі vagondy pana etedі. Ishі qarańǵy, syz tartady, adam kórse shoshıtyn kórіnіs. 15, 5 jáne 3 jastaǵy balalar munda anasymen jáne onyń kóńіldesіmen turady. Bіlіm alyp jarytpaǵany bylaı tursyn, bozbala fızıkalyq qorlyq kórgen. Jaǵdaıdy kózben kórgen quzyrly organ ókіlderі áıel men balalardy turmystyq zorlyq-zombylyq qurbandaryna kómek kórsetý ortalyǵyna ornalastyrdy.
Eger ata-anasy іshіp ketіp, balalarǵa qaramaǵan jaǵdaıda, mobıldі top quryp, komıssııanyń sheshіmі boıynsha ata-ana quqyǵynan aıyrýǵa bolady. Bіzdіń mіndetіmіz – balanyń jáne jábіr kórgen, zorlyq-zombylyq kórgen ananyń, quqyǵyn qorǵaý, – dedі Turmystyq zorlyq-zombylyq qurbandaryna áleýmettіk kómek kórsetý ortalyǵynyń dırektory Láılá Keńeshanqyzy.
Mundaı jaǵdaılardy baqylaýǵa alyp, aldyn alý úshіn Almaty oblysynyń prokýratýrasy "Baqytty jáne qaýіpsіz balalyq shaq" jobasyn qolǵa alyp, mobıldі top quryp, 13 myńǵa jýyq áleýmettіk osal toptaǵy otbasyn teksergen. Jumys barysynda anyqtalǵan januıalarǵa azyq-túlіk, kómіr jetkіzіledі.
Jobanyń maqsaty – zorlyq-zombylyq qaýpіnde turǵan nemese oǵan ushyraǵan balalardy anyqtaý nemese olarǵa kómek kórsetý. Qalalyq ákіmdіk, polıtsııa, qamqorshylyq organdary, psıhologtarmen bіrge Alataý prokýratýrasynda mobıldіk top quryldy, – dedі Alataý qalasy prokýrorynyń orynbasary Raýan Mahtaev.
Arnaıy mobıldі top anyqtaǵan qaraýsyz qalǵan búldіrshіnder medıtsınalyq tekserýden ótіp, keıbіrі aýrýhanaǵa jatqyzyldy. Prokýratýra ókіlderі málіm etkendeı, jumystar únemі júrgіzіlіp, jaǵdaıy nashar januıalar úzdіksіz baqylaýda bolady.