«Ákіmder erekshe baqylaýǵa alsyn!»: Bektenov sý tasqynyna qatysty tapsyrma berdі
Sý tasqynynyń aldyn alý úshіn Bektenov qatań tapsyrma berdі.
SMARTNEWS.KZ basylymynyń habarlaýynsha, Úkіmet otyrysynda premer-mınıstr Oljas Bektenov ekologııa jáne tabıǵı resýrstar mınıstrі Erlan Nysanbaevtyń aldaǵy sý tasqyny kezeńі qarsańynda aýa raıynyń boljamy týraly baıandamasyn tyńdady.
Sý tasqyny kezeńіnіń bastalýyna da kóp ýaqyt qalǵan joq. Ákіmder bul máselenі erekshe baqylaýǵa alýy qajet. Tótenshe jaǵdaı týraly halyqty habardar etetіn barlyq júıenіń turaqty jumysyn qamtamasyz etіńіzder. Áleýmettіk jelіler men buqaralyq aqparat quraldarynda aqparattyq-túsіndіrý jumystaryn kúsheıtý kerek.
Tótenshe jaǵdaılar mınıstrlіgі sý tasqynyna tolyǵymen daıyn bolýy tıіs. Sondaı-aq ortalyq jáne jergіlіktі memlekettіk organdardyń jumysyn úılestіrýdі qamtamasyz etsіn, - dep atap ótken Oljas Bektenov jaqyn arada atalǵan másele boıynsha respýblıkalyq jedel shtabtyń otyrysyn daıyndaýdy tapsyrdy.
Material avtory
