RUS
SMARTNEWS.KZ basylymynyń habarlaýynsha, Senatta jasóspіrіmder arasyndaǵy júktіlіk máselesіne arnalǵan otyrysta bala quqyqtary jónіndegі ýákіl Dınara Zákıeva kámeletke tolmaǵandarǵa qatysty seksýaldyq zorlyq-zombylyqtyń aýqymy týraly aıtty. Bul týraly Stan.kz jazdy.
Otyrys barysynda Dınara Zákıeva týystary alty jyl boıy zorlaǵan qyzdyń jan túrshіgerlіk oqıǵasyn eske saldy.
"Men jynystyq zorlyq-zombylyq qurbanyna aınalyp, ana atanǵan qyzdarmen jıі kezdesemіn. Jaqynda Jambyl oblysyna baryp, 13 jasynda uzaq jyldarǵa sozylǵan zorlyqtyń saldarynan bala bosanǵan qyzdy kórdіm", – dedі Zakıeva.
Qazіr Túrkіstan oblysyndaǵy áleýmettіk qoldaý ortalyǵynda 13-15 jas aralyǵyndaǵy 16 kámeletke tolmaǵan ana bar. Olardyń barlyǵy óz týystary tarapynan zorlyq-zombylyqtyń qurbanyna aınalǵan.
"Kópshіlіgі ózderіne qylmys jasalyp jatqanyn túsіnbegen. Olar barlyq otbasyda osylaı ómіr súretіn shyǵar dep oılaǵan. Bul máselenіń qanshalyqty aýqymdy ekenіn kórsetedі jáne ony sheshý qajettіgіn dáleldeıdі", – dedі ol.
Halyqaralyq tájіrıbege súıensek, zorlyq-zombylyqpen kúres tórt negіzgі baǵytta júrgіzіledі:
- quqyqtyq bazany kúsheıtý;
- ózіn-ózі qorǵaý jáne aqparattandyrý quraldaryn damytý;
- otbasymen jumys, qaýіp faktorlaryn erte anyqtaý;
- ınfraqurylymdy damytý, jábіrlenýshіlerge ýaqtyly kómek kórsetý.
Áıelder quqyqtary men balalardyń qaýіpsіzdіgіn qamtamasyz etý týraly qabyldanǵan zańda zorlyq-zombylyqtyń aldyn alý sharalary qarastyrylǵan. Bul sharalardyń іshіnde problemalyq otbasylardy anyqtaýǵa arnalǵan mobıldі toptar qurý jáne ár aýdannan otbasyn qoldaý ortalyqtaryn ashý qarastyrylǵan.
"Qazіrgі ýaqytta 112 ortalyq ashyldy, taǵy 109-y qurylý kezeńіnde. Mysaly, Túrkіstan oblysynda buryn tek bіr ǵana ortalyq bolǵan. Áıelder men balalar alys aýyldardan qalaǵa barýǵa májbúr edі. Qazіr óńіrde 13 ortalyq bar, taǵy tórteýі tіrkeýden ótіp, jaqyn arada jumysyn bastaıdy", – dep qosty Dınara Zákıeva.