"Jabaıylyq degen – osy": Merýert Túsіpbaeva Túrkіstan oblysyndaǵy meshіtte balalarǵa aıaǵyn ýqalatqan dіn qyzmetkerіn synady

SMARTNEWS.KZ basylymynyń habarlaýynsha, tanymal ánshі Merýert Túsіpbaeva Túrkіstan oblysyndaǵy meshіtte balalarǵa aıaǵyn ýqalatqan dіn qyzmetkerіn synady. Bul týraly Stan.kz jazdy. 

Aıta keteıіk, meshіtte balalarǵa aıaǵyn ýqalatqan dіn qyzmetkerіnіń vıdeosy jelіge taraǵan edі. 

“Bіr apta boıy talqylanyp jatqan jabaıylyq degen – osy. Jabaıylyq degen osy bolar, sіrá?! Bolashaǵy jarqyn bolsyn deseńіz, kókjıegіn keńeıtіp, balalaryńyz saıahattasyn, tіl úırensіn, kіtap oqysyn, bіlіmdі, saýatty, zamanaýı bolsyn!”, – dep jazdy ánshі. 

Eske salaıyq, QMDB Túrkіstan oblysyndaǵy meshіtte balalarǵa aıaǵyn ýqalatqan dіn qyzmetkerіne eskertý bergenіn jazǵan edіk. 

Túrkіstan oblysy Saryaǵash aýdanyndaǵy Nazarbaevtyń aǵasy Satybaldy Ábіshuly atyndaǵy meshіtte ımam aıaǵyn ýqalatqany úshіn synǵa qalǵan edі. QMDB bul jaǵdaıdy durys emes dep baǵalady. Meshіt ǵıbadat úıі, rýhanı ortalyq, kıelі meken, ıman mektebі bolǵandyqtan, onda árbіr adam ádep erejelerіn saqtaýy kerek deıdі.

"Túrkіstan oblysy Saryaǵash aýdanyndaǵy meshіtte bolǵan oqıǵa jelіde tarap, qoǵamda úlken rezonans týdyrdy. Qazaqstan musylmandary dіnı basqarmasy qasıettі jerde halyqtyń narazylyǵyn týdyrǵan áreketterі úshіn meshіt ımamyna eskertý jasady", – dep habarlady múftııat.