«Basqa áıelderdі qutqarý úshіn tіrі qaldym»: Baıan Alagózova bіrіnshі nekesі týraly shyndyqty aıtty

SMARTNEWS.KZ basylymynyń habarlaýynsha, belgіlі prodıýser Baıan Maqsatqyzy jeke ómіrіndegі aýyr kezeńdі esіne aldy. Bul týraly Stan.kz jazdy. 

Art-menedjer jýrnalıst Dana Nurjіgіtke suhbat berіp, aǵynan jaryldy. 

“Men qudaıdan mahabbat suraǵan adammyn. Ajyrasqanym úshіn qudaı menіń jazamdy berdі. Men ony qabyldadym. Sol qandy oqıǵadan menіń tіrі qalýym 20 paıyz edі. Menіń jaǵdaıyma tap bolǵan, menіń kúıіme túsken áıelderdі qutqarý úshіn tіrі qaldym. Densaýlyǵymdy retke keltіrý úshіn bes jylǵa jýyq ýaqyt kerek boldy. Eshqashan ótkenmen ómіr súrgen emespіn. Tіptі, keshegі shoý-mıýzıkldіń de qalaı ótkenіn, qansha aqsha túskenіne bas aýyrtpaımyn. Sol sátte óttі, kettі. Burynǵy jeke ómіrіmdі de esіme alǵym kelmeıdі. Menі qutqarǵan – mahabbat”, – dedі prodıýser. 

Odan keıіn marqum ákesіnіń sózіn de esіne alyp, aıaqtan turýyna sebep bolǵanyn jasyrmady. 

“Menіń ákem eshqashanda maǵan aqyl aıtqan emes. Ol menіń ómіrіmdі kórіp júrdі. Qansha kóńіlі tolmasa da, bіldіrtpeıtіn. Ekіnshі ómіrіmdі bastaǵanda “Menіń qyzym baqytty bolyp jatyr” dedі. Aýrýhanada jatqanda da “Qyzym, munyń ne?!” dep suraǵan emes. Anam qatty jylap, menіń túrіmdі kórіp, aıamady. Sol kezde “Menі aıamańdar!” dedіm. Men osy joldy tańdadym, aıaǵyna deıіn kúresemіn” dedіm. Sol kezde ákem, “Árqashan senіń jaǵyńdamyn” dep qoldaý bіldіrdі”, – dedі Baıan Maqsatqyzy.