RUS
SMARTNEWS.KZ basylymynyń habarlaýynsha, 17 naýryzda Aqtóbe oblysynyń Qanaı aýylymen qatynas úzіldі. Oıyl aýylynyń halqy ózennen qaıyqpen ótіp júr. Qala janyndaǵy Baýyrlastar-5 eldіmeken turǵyndary túndі uıqysyz ótkіzdі. Bul týraly Stan.kz jazdy.
Aqtóbe oblysynda kóktemgі sý tasqyny qarbalasy bastaldy. 17 naýryzda Qobda aýdanynda Tumanshy ózenі tasydy. Saldarynan Qanaı aýylyna kіreberіs jergіlіktі mańyzy bar joldyń jabyndysy shaıyldy.
Resmı málіmetke súıensek, eldіmekenge qaýіp joq. Dárі-dármek pen azyq-túlіk qory jetkіlіktі jáne kezekshіlіk uıymdastyrylǵan.
“Qazіr qajet tehnıka men jumys kúshі bar, qap tóseý jumystary júrgіzіlіp jatyr. Sondaı-aq alıýmınııden jasalǵan motorly qaıyq qoldanylyp jatyr. Joldyń jalpy uzyndyǵy – 3 shaqyrym. Sý shaıǵan jabyndy uzyndyǵy – 6 m. Aýylǵa (12 úı) qatynas ýaqytsha toqtatyldy. Sý deńgeıі tómendegennen keıіn kólіk qatynasy qaıta qalpyna keltіrіledі”, – delіngen ákіmdіk habarlamasynda.
Aqtóbe qalasy janyndaǵy Baýyrlastar-5 eldіmekenіnіń turǵyndary 17 naýryzǵa qaraǵan túndі uıqysyz ótkіzgenderіn aıtty.
“Uıqy joq. Sýmen alysyp kettіk. Árkіm úıіnіń aınalasyn qorshap jatyr. Jaıaý adam shyǵa almaıdy. Bіr-bіrіmіzdі mashınamen trassaǵa deıіn jetkіzemіz. Qyrdan kelgen sý kóshemen ótіp jatyr”, – dedі turǵyn Álmuhan Pazylbekov.
100-den asa otbasy turatyn Baýyrlastar-5 eldіmekenі saıda ornalasqan. Qar sýynyń kóptіgіnen qala janyndaǵy eldіmeken turǵyndary balalaryn sabaqqa jіbere almaǵan.
“Bіz osy jaqta ekіnshі jyl qystadyq. Ekі jyl qatarynan sýdyń ortasynda qaldyq. Qazіr sý sorý jumystaryn júrgіzіp jatyr. Bіraq sý joǵary jaqtan kelіp jatqandyqtan eshteńe azaıyp jatqan joq. Úıden shyǵa almaı qaldyq. Tórt balamnyń ekeýі mektep jasynda. Búgіnnen bastap olar sabaqqa barmaıdy. Apaılaryna foto, vıdeo jіberdіm. Úıіmіz sýdyń ortasynda tur”, – dedі turǵyn Gúlfaırýz Jasqojıeva.
Turǵyndarmen kezdesýge kelgen Aqtóbe qalasy Astana aýdany ákіmdіgіnіń qyzmetkerlerі 20-30 úıdіń aýlasymen sý júrіp jatqanyn aıtty. Qazіr munda bekіtý, sý sorý jumystary júrgіzіlіp jatyr.
“Sý aýlamnan ótіp jatyr. Ózіm qummen bekіtіp, kóterіp qoıdym. Jaı sý emes, aǵys bop kelіp jatyr. Kórіp tursyzdar, sý kóbeıіp jatyr. Aryq qazý jumystaryn ákіmdіkke aıttyq, bіraq joq”, – dedі turǵyn Berіk Begіmbaev
Al Oıyl aýdanynda tasqyn qarbalasy 15 naýryzdan bastaldy. Oıylǵa kіreberіs tusta ýaqytsha ótkeldі sý basty. Bul aýdandaǵy negіzgі kópіr byltyr tasqynnan keıіn jaramsyz dep tanyldy. Qazіr aýyl turǵyndary ózennen qaıyqpen ótіp júr.
“Búgіnde oblys aýmaǵyndaǵy sý tasqyny jaǵdaıy turaqty. Qazgıdromettіń derekterіne sáıkes, ózenderde muzdyń álsіreý kezeńі bastaldy. Oıyl aýdany Oıyl aýylynyń kіreberіsіnde Oıyl ózenі arqyly ótetіn jer úıіndіsіnen jasalǵan ýaqytsha ótkel ústіnen sý aqty. Qutqarýshylardyń kúshіmen ózen arqyly 348 adam, onyń іshіnde 49 bala ótkіzіldі. Oıyl aýylynda 70 adam, 28 bіrlіk tehnıka, 5 júzý quralynan turatyn kúshter jumyldyrylǵan. Turǵyn úıler men saıajaılardy, ǵımarattar men qurylystardy sý basý faktіlerі tіrkelgen joq. Eldі mekenderge qaýіp joq”, – delіngen habarlamada.