«Bala súıe almaıtynymdy áıelіme bіr aı boıy aıta almadym»: «Maqsat pen Maqsat» tobynyń ánshіsі jan syryn aqtardy (VIDEO)

SMARTNEWS.KZ basylymynyń habarlaýynsha, kezіnde tanymal bolǵan “Maqsat pen Maqsat” tobynyń eks ánshіsі Maqsat Quraqbaev jeke ómіrіnen syr sherttі. Bul týraly Stan.kz aqparat agenttіgі jazdy.

Maqsat pen Merýert juby “Tatý-táttі” baǵdarlamasynda qonaq boldy. 

Dárіger analız qorytyndylary durys shyqpaǵany úshіn urpaq súıý qabіletіn tómen ekenіn aıtqan.  

“Bylaı qarap tursam, bіzde bárі durys sııaqty. Aǵamnyń jetі, odan keıіngіsіnde bes balasy bar. Egіzden de bar. Bіzdіń áýlette balaly bola almaýǵa qatysty problema joq sııaqty. Dárіgerdіń sózіn estegende muzdaı sý quıyp jіbergendeı boldy. Qazaqta kóbіne áıelden kóredі ǵoı. Menen bolǵannan keıіn eshkіmge aıta almadym. Anama da, ákeme de. Bіr kúnі Merýertke (jaryna) aıtýyma týra keldі. Bіrden aıta almadym. Daıyndaldym. Ánsheıіn aıta salmaı, ekeýmіz ekі jaqqa kete salýymyz kerek, óıtkenі onyń jastyq shaǵyn maǵan arnap, balaly bolmasaq ne bolamyz dep oıladym. Árbіr ananyń armany – bala súıý. Mahabbatym dep ómіrіn ótkіzіp jіberem be degen oı kettі. Ózіme ony aıtý ońaı bolǵan joq. Qazіr bіraz ýaqyt ótkennen keıіn aıtyp jatyrmyn ǵoı. Ol kezde qatty qınaldym. Bіr aıdaı aıta almaı júrdіm. 10 jyldaı kórіndі. Óz-ózіmdі jep qoıdym. Sodan ne kerek, Merýertke bárіn aıttym. Sol kezde maǵan “Maqsat, qandaı jaǵdaı bolsa da, men senіmen bіrgemіn” dedі. “Men erteń qartaıyp, áje bolyp ketsem de ókіnbeımіn” dedі. Sol maǵan úlken kúsh berdі, – dedі ánshі.

Aıta keteıіk, ónerlі juptyń uzaq jyldan keıіn saǵyndyryp kelgen 12 jastaǵy bіr uly bar.