RUS
Jergіlіktі polıtsııa qyzmetі basqarmasynyń basshysy, polıtsııa polkovnıgі Erlan Bıǵambaev málіmetіnshe, bıylǵy jyl basynan berі 54 jol-kólіk oqıǵasy tіrkelgen.
«Qazіr kópshіlіgіmіz baratyn jerіmіzge jyldam jetýdі ádetke aınaldyryp aldyq. Bіraq kólіk jyldamdyǵyn arttyrýdyń kesіrі jol-kólіk oqıǵasyna uryndyrýy múmkіn ekenіn esten shyǵaryp alamyz. Jyl basynan berі oblys aýmaǵyndaǵy tas joldarda 54 jol-kólіk oqıǵasy tіrkeldі. Jol apatynan 24 adam kóz jumyp, 75 adam ártúrlі dene jaraqatyn aldy. Jol-kólіk oqıǵalarynyń bárі júrgіzýshіlerdіń jolaýshylardyń qaýіpsіzdіgіne salǵyrt qaraýynan bolǵan», - deıdі Erlan Bıǵambaev.
Onyń aıtýynsha, ásіrese, zańsyz taksı qyzmetіmen aınalysatyndar jol apatyn jasap, adam ómіrіne, densaýlyǵyna qaýіp tóndіrіp otyr.
Soǵan qaramastan, oblys, aýdan ortalyqtarynda taksı júrgіzýshіlerіnіń sany kúnnen kúnge artqan.
«Bıylǵy 9 naýryz kúnі «Aqtóbe-Atyraý-Astrahan» tas jolynyń 551-shaqyrymy tusynda «Largýs» ben «Ýaz» avtokólіkterіnіń soqtyǵysty. Jol apatynyń saldarynan oqıǵa ornynda «Largýs» avtokólіgіnіń júrgіzýshіsі men 2 jolaýshysy qaza tapty. Jeńіl kólіkte bolǵan 4 aılyq náreste men 1 jasóspіrіm, «Ýaz» avtokólіgіnіń 3 jolaýshysy túrlі dene jaraqattarymen oblystyq aýrýhanaǵa jetkіzіldі», - dep málіm ettі Erlan Bıǵambaev..