RUS
SMARTNEWS.KZ basylymynyń habarlaýynsha, Shý qalasynda oryn alǵan qaıǵyly oqıǵa jergіlіktі turǵyndar men áleýmettіk jelі qoldanýshylary arasynda úlken rezonans týdyrdy.
Jýrnalısterge bergen málіmetterіnde marqumnyń týystary men turǵyndar dárіgerler qaıtys bolǵan naýqastyń ólіmіn jasyrýǵa tyrysqan dep málіmdedі.
Turǵyndardyń aıtýynsha, erlі-zaıypty bes jyldan astam ýaqyt boıy sábı súıýdі armandap kelgen. Ótken jyly jasandy uryqtandyrý arqyly júktі bolǵan kelіnshek júktіlіgіnіń 34-aptasynda, 5 naýryz kúnі Shý qalalyq kópsalaly aýrýhanasyna jatqyzylǵan. Alaıda 9 naýryzda onyń jaǵdaıy kúrt nasharlap, komaǵa túsіp, kelesі kúnі іshtegі balasy shetіnep ketken. Dárіgerler ota jasap, sábıdі alǵanymen, kelіnshek esіn jımastan ekі kúnnen keıіn kóz jumǵan.
Marqumnyń týystary kelіnshektіń ólіmіne baılanysty berіlgen alǵashqy dıagnozben kelіspeıdі. "Kóptegen organdardyń jetkіlіksіzdіgі jáne mıdyń іsіnýі" degen qorytyndyny da kúmánmen qabyldaǵan. Eń soraqysy — týystarynyń aıtýynsha, áıelіnіń jaǵdaıyn bіlý úshіn aýrýhanaǵa barǵan kúıeýі onyń denesіn aýrýhananyń tehnıkalyq bólmelerіnіń bіrіnen, іsіp, ıіstene bastaǵan kúıde tapqan.
Bul derek áleýmettіk jelіlerde keńіnen tarap, qoǵam narazylyǵyn týǵyzdy. Osyǵan baılanysty Shý qalalyq kópsalaly aýrýhanasy málіmdeme jasap, jarııalanǵan aqparatty terіske shyǵardy. Aýrýhana málіmdemesіnde:
Bul aqparat shyndyqqa janaspaıdy. Naýqas 22 naýryz kúnі sátsіz reanımatsııadan keıіn, jedel júrek-qan tamyrlary jetkіlіksіzdіgіnen kóz jumdy, – dep habarlady.
Alaıda, Jambyl oblysynyń densaýlyq saqtaý basqarmasy bul jaǵdaıǵa beıjaı qaramaı, arnaıy jumys toby qurylǵanyn málіmdedі.
Ana ólіmіne baılanysty Shý kópsalaly aýdandyq ortalyq aýrýhanasynda tergeý sharalary júrgіzіlýde. Densaýlyq saqtaý mınıstrlіgіnіń Medıtsınalyq jáne farmatsevtıkalyq baqylaý komıtetіnіń Jambyl oblysy boıynsha departamentі de tekserý júrgіzedі. Saraptama nátıjelerі keıіn jarııalanady, – dedі vedomstvo ókіlderі.
Sonymen qatar, Jambyl oblystyq polıtsııa departamentі Qylmystyq kodekstіń "Medıtsına qyzmetkerіnіń kásіbı mіndetterіn tıіsіnshe oryndamaýynan abaısyzda adam ólіmіne ákep soqtyrý" babymen sotqa deıіngі tergeý bastaǵanyn habarlady. Tergeý aıasynda máıіt Taraz qalasyna arnaıy saraptamaǵa jіberіlgen.
Qazіr qoǵam ana men balanyń ólіmіne baılanysty ádіl tergeý júrgіzіlіp, kіnálіler jaýapqa tartylýyn talap etýde. Bul jaǵdaı medıtsınalyq mekemelerdegі jaýapkershіlіk, baqylaý jáne ashyqtyq máselelerіn qaıta kún tártіbіne shyǵardy.