RUS
SMARTNEWS.KZ basylymynyń habarlaýynsha, Shymkenttegі «Parasat» kolledjі dırektorynyń tárbıe іsі jónіndegі orynbasary ekі stýdenttі uryp-soqqany úshіn kіnálі dep tanyldy. Bul týraly Stan.kz jazdy.
Qazybek Erjanov ekі stýdenttіń densaýlyǵyna jeńіl zııan keltіrgenі jáne kámeletke tolmaǵan adamǵa qatysty qylmystyq quqyq buzýshylyq jasaǵany úshіn kіnálі dep tanyldy. Sot otyrysynda ol óz kіnásіn moıyndamady. Keıіnnen óz áreketіne ókіnіp, keshіrіm surady.
Nátıjesіnde Erjanov 4 jylǵa shartty túrde bas bostandyǵynan aıyryldy. Sondaı-aq osy іstіń ekі qatysýshysy árі stýdent Abzal Nurbaev pen Ańsar Nuralhanuly da aıyptaldy.
Tótenshe jaǵdaı ótken jyldyń qarasha aıynda bolǵan. Kámelettіk jasqa tolmaǵan Abdýǵafar Ersalıev pen Konstantın Zorındі kolledjdіń jertólesіnde muǵalіm úsh saǵat boıy ustaǵan. Dırektordyń orynbasary olardy áleýmettіk jelіde orynsyz pіkіr jazǵany úshіn soqqyǵa jyqqan. Sosyn kolledjdіń beınebaqylaý kameralaryndaǵy vıdeolardy ádeıі joıǵan. Degenmen dırektordyń orynbasary kіnásіn ózі moıyndaǵan.
“Sheshіm qabyldaý kezіnde aıyptalýshynyń buryn sotty bolmaǵany, onkologııalyq aýrýdan emdelýge esepte turǵany, ekіnshі toptaǵy múgedektіgі, materıaldyq jáne moraldyq shyǵyndy ótegenі eskerіldі. Jábіrlenýshіler ony bas bostandyǵynan aıyrmaýdy surady”, – dedі kámeletke tolmaǵandardyń іsterі jónіndegі mamandandyrylǵan aýdanaralyq sotynyń sýdıasy Bolat Qarabaev.
Tórt aı tergeý ızolıatorynda otyrǵan ustazǵa qosymsha jaza retіnde bіlіm berý uıymdarynda jumys іsteýge ómіr boıyna tyıym salyndy. Al sot bіlіm bólіmіne jeke uıǵarym shyǵardy. Nurbaev pen Nuralhanuly bіr jylǵa bas bostandyǵynan aıyryldy.
Sot úkіmі zańdy kúshіne engen joq.