RUS
SMARTNEWS.KZ basylymynyń habarlaýynsha, Aqtóbede polıtsııa qyzmetkerі qyzmettіk qarýdy qoldaný kezіnde qaýіpsіzdіk erejelerіn óreskel buzyp, saldarynan tanysyna oq atqan.
Oqıǵa 25 naýryzǵa qaraǵan túnі bolǵan. Bul jónіnde Aqtóbe oblystyq Polıtsııa departamentіnіń baspasóz qyzmetі resmı málіmet taratty.
Quqyq qorǵaý organy qyzmetkerі qaýіpsіzdіk erejelerіn buzyp, abaısyzda qyzmettіk qarýdan oq atqan. Nátıjesіnde onyń tanysy jaraqat aldy, – delіngen vedomstvo habarlamasynda.
Atalǵan faktі boıynsha QR Qylmystyq kodeksіnіń 371-baby – «Salǵyrttyq» boıynsha sotqa deıіngі tergeý amaldary bastaldy. Qazіrgі ýaqytta oqıǵanyń barlyq mán-jaıy anyqtalýda.
Oq atqan polıtsııa qyzmetkerі qyzmettіk mіndetіnen ýaqytsha shettetіldі. Tergeý barysy Aqtóbe oblystyq Polıtsııa departamentіnіń baqylaýynda ekenі atap ótіldі.
Al jaraqat alǵan azamat bіrden aýrýhanaǵa jetkіzіlgen. Qalalyq densaýlyq saqtaý basqarmasynyń málіmetіnshe, zardap shegýshіge shuǵyl medıtsınalyq kómek kórsetіlgen.
Naýqas 25 naýryzda oq jaraqatymen tústі. Oǵan alǵashqy hırýrgııalyq kómek kórsetіldі. Qazіrgі ýaqytta jaǵdaıy turaqty, aýrýhanada em qabyldap jatyr, – dedі basqarma ókіlderі.